bani aadam ki hazrat ke liye taswir miTTi ki
banī aadam kī hazrat ke liye tasvīr miTTī kī
kiyā sajda malā.ik ne baḌī to qabr miTTī kī
kahāñ ye ḳhaak kā putlā kahāñ vo nuur kī sūrat
milāyā haq ne jab us meñ khulī taqdīr miTTī kī
kiyā jab dafn majnūñ ko kahā lailā ne ye ro kar
milī jā kar ke miTTī meñ tirī tasvīr miTTī kī
usī se bāġh-o-gul aur sabhī gulzār paidā haiñ
kahāñ tak maiñ likhūñ yaaro bhalā to qabr miTTī kī
milī na har shai namūna hai jahāñ meñ us kī qudrat kā
vagarna thī kahāñ aisī bhalā tāsīr miTī kī
bani aadam ki hazrat ke liye taswir miTTi ki
kiya sajda malaik ne baDi to qabr miTTi ki
kahan ye KHak ka putla kahan wo nur ki surat
milaya haq ne jab us mein khuli taqdir miTTi ki
kiya jab dafn majnun ko kaha laila ne ye ro kar
mili ja kar ke miTTi mein teri taswir miTTi ki
usi se bagh-o-gul aur sabhi gulzar paida hain
kahan tak main likhun yaro bhala to qabr miTTi ki
mili na har shai namuna hai jahan mein us ki qudrat ka
wagarna thi kahan aisi bhala tasir miTi ki
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
