kafir ho jo sajda kare but-KHana samajh kar
kāfir ho jo sajda kare but-ḳhāna samajh kar
sar rakh diyā ham ne dar-e-jānāna samajh kar
achchhā huā aa.e na mire ḳhāna-e-dil meñ
armāñ bhī nikal jā.eñge vīrāna samajh kar
har roz sar-e-bazm jalā karte haiñ lekin
parvāh nahīñ karte haiñ vo parvāna samajh kar
dil chāhiye mā'mūr tasavvur meñ butoñ ke
vo ḳhud hī chale ā.eñge but-ḳhāna samajh kar
kafir ho jo sajda kare but-KHana samajh kar
sar rakh diya hum ne dar-e-jaanana samajh kar
achchha hua aae na mere KHana-e-dil mein
arman bhi nikal jaenge virana samajh kar
har roz sar-e-bazm jala karte hain lekin
parwah nahin karte hain wo parwana samajh kar
dil chahiye ma'mur tasawwur mein buton ke
wo KHud hi chale aaenge but-KHana samajh kar
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
