jahan par shama hoti hai wahan parwana aata hai
jahāñ par shama' hotī hai vahāñ parvāna aatā hai
parī-rū hote haiñ jis jā vahīñ dīvāna aatā hai
sharāb-e-vasl kā tālib huuñ maiñ ai sāqī-e-ulfat
nahīñ gardish meñ ab tak kyuuñ tirā paimāna aatā hai
na sharmā kar chhupo mujh se karūñgā varna meñ rusvā
ai mast-e-nāz mujh ko nāla-e-mastāna aatā hai
kisī ko dil jo de is daur meñ be-shak vo ahmaq hai
hameñ to yaad ustādoñ kā ye farmānā aatā hai
jahan par shama' hoti hai wahan parwana aata hai
pari-ru hote hain jis ja wahin diwana aata hai
sharab-e-wasl ka talib hun main ai saqi-e-ulfat
nahin gardish mein ab tak kyun tera paimana aata hai
na sharma kar chhupo mujh se karunga warna mein ruswa
ai mast-e-naz mujh ko nala-e-mastana aata hai
kisi ko dil jo de is daur mein be-shak wo ahmaq hai
hamein to yaad ustadon ka ye farmana aata hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
