mehndi mal ke mera turk-e-sitam-ijad aaya

mehñdī mal ke mirā turk-e-sitam-ījād aayā

ḳhūñ-bahā haath meñ letā huā jallād aayā

bāġhbāñ aayā gulsitāñ meñ na sayyād aayā

jo koī aayā mirī jaan ko jallād aayā

bā’d-e-marg aa.ī lab-e-gūr-e-farīdūñ se sadā

chain ab dāman-e-mādar kā hameñ yaad aayā

meñ vo dīvāna huuñ rag-rag meñ chubhā nashtar-e-ġham

fasd bhī kholne aayā to ye fassād aayā

koh-o-sahrā kī taraf ham jo 'qalaq' jā nikle

qais-o-farhād lage kahne ki ustād aayā

mehndi mal ke mera turk-e-sitam-ijad aaya

KHun-baha hath mein leta hua jallad aaya

baghban aaya gulsitan mein na sayyaad aaya

jo koi aaya meri jaan ko jallad aaya

ba’d-e-marg aai lab-e-gur-e-faridun se sada

chain ab daman-e-madar ka hameñ yaad aaya

mein wo diwana hun rag-rag mein chubha nashtar-e-gham

fasd bhi kholne aaya to ye fassad aaya

koh-o-sahra ki taraf hum jo 'qalaq' ja nikle

qais-o-farhad lage kahne ki ustad aaya