dastak ki to har ek ko ijazat hai lekin

dastak kī to har ik ko ijāzat hai lekin

khultā nahīñ har ik pe dar-e-yār ḳhabar-dār

is des meñ mahbūb kā farmān hai qānūn

hai jurm yahāñ hujjat-o-takrār va takrār ḳhabar-dār

lāzim nahīñ is dil pe rah-e-’ishq meñ sajda

jis dil ko vuzū hai abhī darkār ḳhabar-dār

hai ishaq ke roze meñ faqat lazzat-e-sahrī

tā-'umr nahīñ sūrat-e-iftār ḳhabar-dār

vo husn-e-mujassam hai hijāboñ meñ nihāñ hai

asrār hai asrār hai asrār ḳhabar-dār

dastak ki to har ek ko ijazat hai lekin

khulta nahin har ek pe dar-e-yar KHabar-dar

is des mein mahbub ka farman hai qanun

hai jurm yahan hujjat-o-takrar wa takrar KHabar-dar

lazim nahin is dil pe rah-e-’ishq mein sajda

jis dil ko wuzu hai abhi darkar KHabar-dar

hai ishaq ke roze mein faqat lazzat-e-sahri

ta-'umr nahin surat-e-iftar KHabar-dar

wo husn-e-mujassam hai hijabon mein nihan hai

asrar hai asrar hai asrar KHabar-dar