be-vafā yuuñ terā muskurānā
bhuul jaane ke qābil nahīñ hai
maiñ ne jo zaḳhm khāyā hai dil par
vo dikhāne ke qābil nahīñ hai
tirchhī-tirchhī nazar ke maiñ qurbāñ
terī āñkheñ haiñ yā mai ke pyāle
jis ko tū ne nazar se pilāyā
hosh phir us ko huuñ nahīñ hai
maiñ ne ḳhat likh ke un ko bulāyā
aa ke qāsid ne dukhḌā sunāyā
un ke paañv meñ mehñdī lagī hai
aane jaane ke qābil nahīñ hai
jab se dekhā hai jalva tumhārā
koī āñkhoñ meñ jachtā nahīñ hai
laakh dekhe jahāñ husn vaale
koī 'ālam meñ tujh-sā nahīñ hai
aa.e ho aa ke jaane lage ho
ye bhī kyā dil-lagī dil-lagī hai
merī nazreñ abhī tak haiñ pyāsī
maiñ ne jī bhar ke dekhā nahīñ hai
maiñ ne pūchhā ki kal shab kahāñ the
pahle sharmā.e phir jal ke bole
aap vo baat kyuuñ pūchhte haiñ
jo batāne ke qābil nahīñ hai
tīr-o-talvār tum mat uThāo
kyuuñ ye karte ho be-kār zahmat
jānte haiñ tumhārī kalā.ī
bojh uThāne ke qābil nahīñ hai
shīsha patthar se Takrā ke TuuTā
TūTne kī sadā sab ne san lī
dil kisī kā agar TuuT jaa.e
koī āvāz suntā nahīñ hai
'āshiqī kā taqāza yahī hai
ham na badleñ na tum ham se badlo
tum to aise badalne lage ho
aaj tak koī badlā nahīñ hai
maiñ ne pūchhā ki phir kab miloge
pahle sharmā.e phir hañs ke bole
tum to dil meñ samā.e hue ho
milne kī zarūrat nahīñ hai
soch lo dil lagāne se pahle
log kar deñge badnām tujh ko
pyaar ko chāhe jitnā chhupāo
ye chhupāne se chhuptā nahīñ hai
maiñ jab bhī kī 'arz-e-tamannā
zulf kī tarh bal khā ke bole
aise 'āshiq ko suulī chaḌhā do
rahm khāne ke qābil nahīñ hai
be-wafa yun tera muskurana
bhul jaane ke qabil nahin hai
main ne jo zaKHm khaya hai dil par
wo dikhane ke qabil nahin hai
tirchhi-tirchhi nazar ke main qurban
teri aankhen hain ya mai ke pyale
jis ko tu ne nazar se pilaya
hosh phir us ko hun nahin hai
main ne KHat likh ke un ko bulaya
aa ke qasid ne dukhDa sunaya
un ke panw mein mehndi lagi hai
aane jaane ke qabil nahin hai
jab se dekha hai jalwa tumhaara
koi aankhon mein jachta nahin hai
lakh dekhe jahan husn wale
koi 'alam mein tujh-sa nahin hai
aae ho aa ke jaane lage ho
ye bhi kya dil-lagi dil-lagi hai
meri nazren abhi tak hain pyasi
main ne ji bhar ke dekha nahin hai
main ne puchha ki kal shab kahan the
pahle sharmae phir jal ke bole
aap wo baat kyun puchhte hain
jo batane ke qabil nahin hai
tir-o-talwar tum mat uThao
kyun ye karte ho be-kar zahmat
jaante hain tumhaari kalai
bojh uThane ke qabil nahin hai
shisha patthar se Takra ke TuTa
TuTne ki sada sab ne san li
dil kisi ka agar TuT jae
koi aawaz sunta nahin hai
'ashiqi ka taqaza yahi hai
hum na badlen na tum hum se badlo
tum to aise badalne lage ho
aaj tak koi badla nahin hai
main ne puchha ki phir kab miloge
pahle sharmae phir hans ke bole
tum to dil mein samae hue ho
milne ki zarurat nahin hai
soch lo dil lagane se pahle
log kar denge badnam tujh ko
pyar ko chahe jitna chhupao
ye chhupane se chhupta nahin hai
main jab bhi ki 'arz-e-tamanna
zulf ki tarh bal kha ke bole
aise 'ashiq ko suli chaDha do
rahm khane ke qabil nahin hai
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
