ishq mein jab ki phansa dil haye dil afsos dil

'ishq meñ jab ki phañsā dil haaye dil afsos dil

dīn-o-duniyā se gayā dil haaye dil afsos dil

jā-ba-jā DhūñDā na dekhī us kī ḳhākistar kahīñ

kaisī ātish meñ jalā dil haaye dil afsos dil

kyā karūñ tadbīr ham se haaye begāna huā

vo qadīmī āshnā dil haaye dil afsos dil

dām-e-kon andar phañsā kyuuñ kis liye kis vāste

murġh-e-bāġh-e-kibriyā dil haaye dil afsos dil

vahm-e-bātil ġhair se kar saaf dil ko 'qādrī'

kyūñ-ki hai 'arsh-e-ḳhudā dil haaye dil afsos dil

'ishq mein jab ki phansa dil haye dil afsos dil

din-o-duniya se gaya dil haye dil afsos dil

ja-ba-ja DhunDa na dekhi us ki KHakistar kahin

kaisi aatish mein jala dil haye dil afsos dil

kya karun tadbir hum se haye begana hua

wo qadimi aashna dil haye dil afsos dil

dam-e-kon andar phansa kyun kis liye kis waste

murgh-e-bagh-e-kibriya dil haye dil afsos dil

wahm-e-baatil ghair se kar saf dil ko 'qadri'

kyun-ki hai 'arsh-e-KHuda dil haye dil afsos dil