us bazm mein mujhe nahin banti haya kiye

us bazm meñ mujhe nahīñ bantī hayā kiye

baiThā rahā agarche ishāre huā kiye

dil hī to hai siyāsat-e-darbāñ se Dar gayā

maiñ aur jā.ūñ dar se tire bin sadā kiye

rakhtā phirūñ huuñ ḳhirqa-o-sajjada rahn-e-mai

muddat huī hai dā'vat āb-o-havā kiye

be-sarfa hī guzartī hai ho garche 'umr-e-kHizr

hazrat bhī kal kaheñge ki ham kyā kyā kiye

maqdūr ho to ḳhaak se pūchhūñ ki ai la.iim

tū ne vo gunjhā-e-girāñ-māya kyā kiye

kis roz tohmateñ na tarāshā kiye 'adū

kis din hamāre sar pe na aare chalā kiye

sohbat meñ ġhair kī na paḌī ho kahīñ ye ḳhū

dene lagā hai bosa baġhair iltijā kiye

zid kī hai aur baat magar ḳhū burī nahīñ

bhūle se us ne saikaḌoñ vā'de vafā kiye

'ġhālib' tumhīñ kaho ki milegā gā jvābu kyā

maanā ki tum kahā kiye aur vo sunā kiye

us bazm mein mujhe nahin banti haya kiye

baiTha raha agarche ishaare hua kiye

dil hi to hai siyasat-e-darban se Dar gaya

main aur jaun dar se tere bin sada kiye

rakhta phirun hun KHirqa-o-sajjada rahn-e-mai

muddat hui hai da'wat aab-o-hawa kiye

be-sarfa hi guzarti hai ho garche 'umr-e-kHizr

hazrat bhi kal kahenge ki hum kya kya kiye

maqdur ho to KHak se puchhun ki ai laim

tu ne wo gunjha-e-giran-maya kya kiye

kis roz tohmaten na tarasha kiye 'adu

kis din hamare sar pe na aare chala kiye

sohbat mein ghair ki na paDi ho kahin ye KHu

dene laga hai bosa baghair iltija kiye

zid ki hai aur baat magar KHu buri nahin

bhule se us ne saikaDon wa'de wafa kiye

'ghaalib' tumhin kaho ki milega ga jwabu kya

mana ki tum kaha kiye aur wo suna kiye