wo aa raha hai kaif ki jannat liye hue

vo aa rahā hai kaif kī jannat liye hue

har jumbish-e-nigāh meñ ishrat liye hue

maiñ huuñ vo naqsh jis ko miTāyā hai dahr ne

duniyā hai mere ḳhuun kī tohmat liye hue

phirtī hai terī yaad bhī kis kis maze ke saath

dil kī ragoñ meñ nashtar-e-ulfat liye hue

aayā huuñ bhiik māñgne ai sakinān-e-dahr

kiyā hai koī sukūn kī daulat liye hue

haañ mast añkhḌiyoñ kī qasam tujh ko aa bhī jā

āñkhoñ meñ sharāb-e-mohabbat liye hue

mahshar meñ shān-e-'afv kī dilchaspiyāñ na pūchh

zāhid bhī hai gunāh kī hasrat liye hue

ai jabar-e-dost laġhzish-e-‘māhir’ se dar-guzar

aayā huuñ iḳhtiyār kī tohmat liye hue

wo aa raha hai kaif ki jannat liye hue

har jumbish-e-nigah mein ishrat liye hue

main hun wo naqsh jis ko miTaya hai dahr ne

duniya hai mere KHun ki tohmat liye hue

phirti hai teri yaad bhi kis kis maze ke sath

dil ki ragon mein nashtar-e-ulfat liye hue

aaya hun bhik mangne ai sakinan-e-dahr

kiya hai koi sukun ki daulat liye hue

han mast ankhDiyon ki qasam tujh ko aa bhi ja

aankhon mein sharab-e-mohabbat liye hue

mahshar mein shan-e-'afw ki dilchaspiyan na puchh

zahid bhi hai gunah ki hasrat liye hue

ai jabar-e-dost laghzish-e-‘mahir’ se dar-guzar

aaya hun iKHtiyar ki tohmat liye hue