Sufinama

wo firāq aur wo wisāl kahāñ

Mirza Ghalib

wo firāq aur wo wisāl kahāñ

Mirza Ghalib

MORE BYMirza Ghalib

    vo firāq aur vo visāl kahāñ

    vo shab-o-roz o māh-o-sāl kahāñ

    fursat-e-kārobār-e-shauq kise

    zauq-e-nazzāra-e-jamāl kahāñ

    dil to dil vo dimāġh bhī na rahā

    shor-e-saudā-e-ḳhatt-o-ḳhāl kahāñ

    thī vo ik shaḳhs ke tasavvur se

    ab vo rānā.ī-e-ḳhayāl kahāñ

    aisā āsāñ nahīñ lahū ronā

    dil meñ tāqat jigar meñ haal kahāñ

    ham se chhūTā qimār-ḳhāna-e-ishq

    vaañ jo jāveñ girah meñ maal kahāñ

    fikr-e-duniyā meñ sar khapātā huuñ

    maiñ kahāñ aur ye vabāl kahāñ

    muzmahil ho ga.e qavā ġhālib

    vo anāsir meñ e'tidāl kahāñ

    bose meñ vo muzā.iqa na kare

    par mujhe tāqat-e-savāl kahāñ

    falak-e-sifla be-muhābā hai

    is sitam-gar ko infi.āl kahāñ

    wo firāq aur wo wisāl kahāñ

    wo shab-o-roz o māh-o-sāl kahāñ

    fursat-e-kārobār-e-shauq kise

    zauq-e-nazzāra-e-jamāl kahāñ

    dil to dil wo dimāġh bhī na rahā

    shor-e-saudā-e-ḳhatt-o-ḳhāl kahāñ

    thī wo ek shaḳhs ke tasawwur se

    ab wo rānāī-e-ḳhayāl kahāñ

    aisā āsāñ nahīñ lahū ronā

    dil meñ tāqat jigar meñ haal kahāñ

    hum se chhūTā qimār-ḳhāna-e-ishq

    wañ jo jāweñ girah meñ mal kahāñ

    fikr-e-duniyā meñ sar khapātā huñ

    maiñ kahāñ aur ye wabāl kahāñ

    muzmahil ho gae qawā ġhālib

    wo anāsir meñ e'tidāl kahāñ

    bose meñ wo muzāiqa na kare

    par mujhe tāqat-e-sawāl kahāñ

    falak-e-sifla be-muhābā hai

    is sitam-gar ko infiāl kahāñ

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now