Font by Mehr Nastaliq Web
Sufinama

zindagi sang-e-dar-e-yar se aage na baDhi

Wasif Ali Wasif

zindagi sang-e-dar-e-yar se aage na baDhi

Wasif Ali Wasif

zindagī sañg-e-dar-e-yār se aage na baḌhī

'āshiqī matla'-e-dīdār se aage na baḌhī

tīrgī gesū-e-ḳhamdār se aage na baḌhī

raushnī tābish-e-ruḳhsār se aage na baḌhī

dilbarī raunaq-e-bāzār se aage na baḌhī

sādgī hasrat-e-iz.hār se aage na baḌhī

ḳhud farāmosh tire 'arsh ko chhū kar aa.e

ḳhvājgī jubba-o-dastār se aage na baḌhī

bas meñ hotā to tirī bazm sajāte ham bhī

bebasī sāya-e-dīvār se aage na baḌhī

jalva-e-zāt se aage thī faqat zaat zaat

bandagī raqs sar-e-dār se aage na baḌhī

be-ḳhudī dasht-o-bayābāñ se varā hai 'vāsif'

āgahī vādī-e-pur-ḳhār se aage na baḌhī

zindagi sang-e-dar-e-yar se aage na baDhi

'ashiqi matla'-e-didar se aage na baDhi

tirgi gesu-e-KHamdar se aage na baDhi

raushni tabish-e-ruKHsar se aage na baDhi

dilbari raunaq-e-bazar se aage na baDhi

sadgi hasrat-e-izhaar se aage na baDhi

KHud faramosh tere 'arsh ko chhu kar aae

KHwajgi jubba-o-dastar se aage na baDhi

bas mein hota to teri bazm sajate hum bhi

bebasi saya-e-diwar se aage na baDhi

jalwa-e-zat se aage thi faqat zat hi zat

bandagi raqs sar-e-dar se aage na baDhi

be-KHudi dasht-o-bayaban se wara hai 'wasif'

aagahi wadi-e-pur-KHar se aage na baDhi

0
COMMENTS
VIEW COMMENTS VIEW COMMENTS

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY
Speak Now