yun baiTh kar koi pursan-e-haal hai

yuuñ baiTh kar koī pursān-e-hāl hai

ai dard uTh kar kah de tabī'at bahāl hai

ḳhud na ho sair kahīñ mujh ko phāñs kar

dil meñ samā ke dil meñ utarnā muhāl hai

barsāo tiir mujh pe magar itnā jaan lo

pahlū meñ dil hai dil meñ tumhārā ḳhayāl hai

ye ashk-e-ḳhūñ nahīñ jo Tapakte haiñ aañkh se

kuchh mājrā jigar kā hai kuchh dil kā haal hai

but kah diyā jo maiñ ne to ab bolte nahīñ

itnī sī baat se tumheñ itnā malāl hai

pūchhā jo maiñ ne un se ki tum jānte ho 'jalīl' ko

bole ki haañ vo shā'ir-e-nāzuk ḳhayāl hai

yun baiTh kar koi pursan-e-haal hai

ai dard uTh kar kah de tabi'at bahaal hai

KHud na ho sair kahin mujh ko phans kar

dil mein sama ke dil mein utarna muhaal hai

barsao tir mujh pe magar itna jaan lo

pahlu mein dil hai dil mein tumhaara KHayal hai

ye ashk-e-KHun nahin jo Tapakte hain aankh se

kuchh majra jigar ka hai kuchh dil ka haal hai

but kah diya jo main ne to ab bolte nahin

itni si baat se tumhein itna malal hai

puchha jo main ne un se ki tum jaante ho 'jalil' ko

bole ki han wo sha'ir-e-nazuk KHayal hai