ghaflat na thi tasawwur-e-didar-e-yar tha

ġhaflat na thī tasavvur-e-dīdār-e-yār thā

nazzāra-e-jamāl meñ gum intizār thā

huuñ a.alam-e-sukūñ meñ ki a.alam sukūñ meñ hai

maiñ be-qarār thā ki jahāñ be-qarār thā

thī sūrat-e-hijāb haqīqat nigāh kī

jo raaz āshkār na thā āshkār thā

saaqī terī sharāb meñ ye ḳhaas baat thī

nashsha ba-qadr-e-hausla-e-bāda-kHvār thā

koī gunāh hosh se baḌh kar nahīñ gunāh

jo mast ho gayā vo baḌā hoshiyār thā

maiñ ho gayā ġhubār-e-rah-e-dost ai 'zahīn'

phir bhī kisī kī ḳhātir-e-nāzuk pe baar thā

ghaflat na thi tasawwur-e-didar-e-yar tha

nazzara-e-jamal mein gum intizar tha

hun aalam-e-sukun mein ki aalam sukun mein hai

main be-qarar tha ki jahan be-qarar tha

thi surat-e-hijab haqiqat nigah ki

jo raaz aashkar na tha aashkar tha

saqi teri sharab mein ye KHas baat thi

nashsha ba-qadr-e-hausla-e-baada-kHwar tha

koi gunah hosh se baDh kar nahin gunah

jo mast ho gaya wo baDa hoshiyar tha

main ho gaya ghubar-e-rah-e-dost ai 'zahin'

phir bhi kisi ki KHatir-e-nazuk pe bar tha