tu mard hai aafaqi gar shan hai shabbiri

tū mard hai āfāqī gar shaan hai shabbīrī

gar shaan hai shabbīrī hai faqr bhī sad merī

ik faqr hai muhtāj ik faqr ḳhud-āgāhī

ik faqr saḳhā-gīrī ik faqr jahāñgīrī

man hai jo tire bas meñ aur tan hai tire bas meñ

ye daulat-e-sarmad hai ye faqr bhī hai merī

dushvārī-e-manzil ke har ḳhauf ko Thukrā de

bebāk ’azā.em meñ paidā hai jahāñgīrī

tāsīr-e-sharāb nau aa tujh ko dikhā.ūñ maiñ

sheroñ kī tabī'at meñ paidā.ī huī nakHchīrī

tahzīb-e-farañgī ke afsūñ kā ye 'ālam hai

maġhrib huā zindīqī mashriq huā zanjīrī

ai 'aql faromāya anjām tirā dekhā

har shaḳhs hai fariyādī har baat hai tā’zīrī

ik daulat-e-qārūnī ik dām-e-havasnākī

sad zillat-e-āzādī sad nuqs-e-jahāñgīrī

har gosha-e-fitrat hai raushan mirī nazroñ meñ

ik faqr kā 'ālam hai ye merī hama-gīrī

duniyā-e-shahanshah se duniyā-e-faqīr aulā

behtar hai ḳhazānoñ se ik daulat-e-shabbīrī

ai 'tāj' faqīroñ ko aatī nahīñ barbādī

be-zarbat-e-chañgezī karte haiñ jahāñgīrī

tu mard hai aafaqi gar shan hai shabbiri

gar shan hai shabbiri hai faqr bhi sad meri

ek faqr hai muhtaj ek faqr KHud-agahi

ek faqr saKHa-giri ek faqr jahangiri

man hai jo tere bas mein aur tan hai tere bas mein

ye daulat-e-sarmad hai ye faqr bhi hai meri

dushwari-e-manzil ke har KHauf ko Thukra de

bebak ’azaem mein paida hai jahangiri

tasir-e-sharab nau aa tujh ko dikhaun main

sheron ki tabi'at mein paidai hui nakHchiri

tahzib-e-farangi ke afsun ka ye 'alam hai

maghrib hua zindiqi mashriq hua zanjiri

ai 'aql faromaya anjam tera dekha

har shaKHs hai fariyaadi har baat hai ta’ziri

ek daulat-e-qaruni ek dam-e-hawasnaki

sad zillat-e-azadi sad nuqs-e-jahangiri

har gosha-e-fitrat hai raushan meri nazron mein

ek faqr ka 'alam hai ye meri hama-giri

duniya-e-shahanshah se duniya-e-faqir aula

behtar hai KHazanon se ek daulat-e-shabbiri

ai 'taj' faqiron ko aati nahin barbaadi

be-zarbat-e-changezi karte hain jahangiri