تو مرد ہے آفاقی گر شان ہے شبیری

تو مرد ہے آفاقی گر شان ہے شبیری

گر شان ہے شبیری ہے فقر بھی صد میری

اک فقر ہے محتاجی اک فقر خود آگاہی

اک فقر سخا گیری اک فقر جہانگیری

من ہے جو ترے بس میں اور تن ہے ترے بس میں

یہ دولتِ سرمد ہے یہ فقر بھی ہے میری

دشواری منزل کے ہر خوف کو ٹھکرا دے

بیباک عزائمِ میں پیدا ہے جہانگیری

تاثیر شرابِ نو آ تجھ کو دکھاؤں میں

شیروں کی طبیعت میں پیدائی ہوئی نخچیری

تہذیب فرنگی کے افسوں کا یہ عالم ہے

مغرب ہوا زندیقی مشرق ہوا زنجیری

اے عقل فرو مایہ انجام ترا دیکھا

ہر شخص ہے فریادی ہر بات ہے تعزیری

اک دولتِ قارونی اک دامِ ہوسناکی

صد ذلتِ آزادی صد نقصِ جہانگیری

ہر گوشۂ فطرت ہے روشن مری نظروں میں

اک فقر کا عالم ہے یہ میری ہمہ گیری

دنیائے شہنشہ سے دنیائے فقیر اولیٰ

بہتر ہے خزانوں سے اک دولتِ شبیری

اے تاجؔ فقیروں کو آتی نہیں بربادی

بے ضربت چنگیزی کرتے ہیں جہانگیری