हमरा बियाह करो मोरे बाबा, तुम सों नाहिं निबाह हो ।
हमरा बियाह करो मोरे बाबा, तुम सों नाहिं निबाह हो ।
महात्मा धनी धर्मदास जी
MORE BYमहात्मा धनी धर्मदास जी
हमरा बियाह करो मोरे बाबा, तुम सों नाहिं निबाह हो ।
जिन के नाहिं रूप औ रेखा, उन से हमरो बियाह हो ।।
आवे न जाय मरै ना जीये, सो बर खोजो जाई हो ।
बूढ़ न बार तरून नहिं चेलिक, वा को तिलक लगाई हो ।।
गगन मँदिल वह गढ़ मोरे बाबा, अरध उरध के बीच हो ।
पवन बराती ब्याहन आये, मान करो सनमान हो ।।
तिरबेनी से नीर मँगावो, अछय बृच्छ कै डार हो ।
सत्त सुकृत कै कलस धरावो, पूजो पाँव हमार हो ।।
तिरगुन सेदुरा मँगावो मोरे बाबा, पिय से माँग भराइ हो ।
सतगुरू बिप्र के चरन पखारो, जुग जुग रहै सोहाग हो ।।
सब्द सुरत से गाँठ जुरावो, माँड़ो राखो छाइ हो ।
पाँच भँवरिया धुमाओ मोरे बाबा, गँठिया देवो निबुकाइ हो ।।
जाँद सुरज होउ कोहबर बाबा, पाँजी दसो दुवार हो ।
ऊँच दुवारी निहारो सखियाँ, निहुरि कै घर को जाहु हो ।।
ज्ञान कै डोलिया फँदावो मोरे बाबा, करि देवो बिदा हमार हो ।
धरमदास से छुटल भव सागर, सब सों भेंटि अकवार हो ।।
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
