hai.n nabiyo.n ke jo taajvar mustafaa
hai.n nabiyo.n ke jo taajvar mustafaa
hai.n rasuulo.n me.n bhii muftaKHar mustafaa
ab ye armaan hai KHaas kar mustafaa
ho.n madiine me.n shaam-o-sahar mustafaa
vaise aane ko aa.e ka.ii ambiyaa
aap aa.e ba-shaan-e-digar mustafaa
aap yaasiin-o-taahaa mudassir bhii hai.n
har laqab aap kaa mo'atabar mustafaa
kul KHudaa.ii hai zer-e-nagii.n aap ke
aap kaunain me.n muqtadir mustafaa
hai.n mashiyyat pe nazre.n huzuur aap kii
kaun aisaa hu.aa diida-var mustafaa
aap ne dii hai fikr-o-nazar ko jilaa
aap hii se hai fikr-o-nazar mustafaa
aap to 'arsh-e-a'azam talak aa ga.e
hai kahaa.n aap kaa raahbar mustafaa
sabz-gumbad kaa har ik nazaara huzuur
hai haqiiqat me.n jannat-nazar mustafaa
aaj bhii hai.n jo peshii me.n sarkaar kii
yaa to siddiiq hai.n yaa 'umar mustafaa
ham bhaTaknaa bhii chaahe.n to bhaTke.nge kyaa
paak usva hai jab raahbar mustafaa
aap se lii hai ham ne hidaayat huzuur
ab na bhaTke.nge ham 'umr-bhar mustafaa
the vo naadiida 'aashiq huzuur aap ke
ik uvais-e-qaran diida-var mustafaa
hai ye 'aabid' bhii muhtaaj lutf-o-karam
Daal diijiye karam kii nazar mustafaa
hai.n nabiyo.n ke jo taajvar mustafaa
hai.n rasuulo.n me.n bhii muftaKHar mustafaa
ab ye armaan hai KHaas kar mustafaa
ho.n madiine me.n shaam-o-sahar mustafaa
vaise aane ko aa.e ka.ii ambiyaa
aap aa.e ba-shaan-e-digar mustafaa
aap yaasiin-o-taahaa mudassir bhii hai.n
har laqab aap kaa mo'atabar mustafaa
kul KHudaa.ii hai zer-e-nagii.n aap ke
aap kaunain me.n muqtadir mustafaa
hai.n mashiyyat pe nazre.n huzuur aap kii
kaun aisaa hu.aa diida-var mustafaa
aap ne dii hai fikr-o-nazar ko jilaa
aap hii se hai fikr-o-nazar mustafaa
aap to 'arsh-e-a'azam talak aa ga.e
hai kahaa.n aap kaa raahbar mustafaa
sabz-gumbad kaa har ik nazaara huzuur
hai haqiiqat me.n jannat-nazar mustafaa
aaj bhii hai.n jo peshii me.n sarkaar kii
yaa to siddiiq hai.n yaa 'umar mustafaa
ham bhaTaknaa bhii chaahe.n to bhaTke.nge kyaa
paak usva hai jab raahbar mustafaa
aap se lii hai ham ne hidaayat huzuur
ab na bhaTke.nge ham 'umr-bhar mustafaa
the vo naadiida 'aashiq huzuur aap ke
ik uvais-e-qaran diida-var mustafaa
hai ye 'aabid' bhii muhtaaj lutf-o-karam
Daal diijiye karam kii nazar mustafaa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
