پیا تھا کیسا جامِ بے خودی احمد علی بابا

پیا تھا کیسا جامِ بے خودی احمد علی بابا

تری مستی عبادت بن گئی احمد علی بابا

جو ظاہر میں تھی اک دیوانگی احمد علی بابا

حقیقت میں تھی رمزِ آگہی احمد علی بابا

کھلے تھے راز قدرت صاف تیرے شیشۂ دل پر

نگاہوں میں تھی دنیا غیب کی احمد علی بابا

اٹھا دی ہے نظر جس سمت جوش کیف و مستی میں

لٹا دی ہے شرابِ زندگی احمد علی بابا

تری مجذوبیت تھی ایک پردہ اہلِ دنیا سے

چھپا رکھی تھی دنیا کشف کی احمد علی بابا

ترے درپہ جوروتے آئے وہ ہنستے ہوئے نکلے

کھلا دی تونے ہر دل کی کلی احمد علی بابا

حیاتِ جاوداں قدموں میں تیرے سر جھکاتی ہے

ملی مردہ دلوں کو زندگی احمد علی بابا

تری خاکِ لحد سے اب بھی دنیا فیض پاتی ہے

تو اب تک بھی ہے اک زندہ ولی احمد علی بابا

ترے اک جذبۂ مستی پہ قرباں ظاہری سجدے

ادا کی کیا نمازِ عاشقی احمد علی باب

نظر اس کے سوا کوئی نہ آئے تیرے عارفؔ کو

سکھا دے وہ ادائے بندگی احمد علی بابا