ghanghor musiibat kii ghaTaa chhaa.ii thii sar par

ghanghor musiibat kii ghaTaa chhaa.ii thii sar par

ham kaasa-e-ummiid liye aa ga.e dar par

kyaa KHauf hame.n Gam kii ka.Dii dhuup kaa maulaa

saaya rahe rahmat kaa agar raah-guzar par

naadim huu.n gunaaho.n pe mujhe baKHsh de.n sarkaar

aa.ii huu.n nadaamat kii ridaa o.Dh kar sar par

kyaa shaan tire rauza kii sarkaar-e-do-'aalam

qurbaan mirii jaan ho diivaaro.n pe dar par

iimaan se pur-nuur kiyaa aap ne har dil

bhaTke hu.e qadmo.n ko bhii le aa.e Dagar par

lillaah bulaa liijiye ab rauza pe mujh ko

lillaah kare.n rahm mire diida-e-tar par

kyaa 'aarzuu' kuchh she'r kahe naa't ke tum ne

jannat kaa saa maahaul nazar aataa hai ghar par

ghanghor musiibat kii ghaTaa chhaa.ii thii sar par

ham kaasa-e-ummiid liye aa ga.e dar par

kyaa KHauf hame.n Gam kii ka.Dii dhuup kaa maulaa

saaya rahe rahmat kaa agar raah-guzar par

naadim huu.n gunaaho.n pe mujhe baKHsh de.n sarkaar

aa.ii huu.n nadaamat kii ridaa o.Dh kar sar par

kyaa shaan tire rauza kii sarkaar-e-do-'aalam

qurbaan mirii jaan ho diivaaro.n pe dar par

iimaan se pur-nuur kiyaa aap ne har dil

bhaTke hu.e qadmo.n ko bhii le aa.e Dagar par

lillaah bulaa liijiye ab rauza pe mujh ko

lillaah kare.n rahm mire diida-e-tar par

kyaa 'aarzuu' kuchh she'r kahe naa't ke tum ne

jannat kaa saa maahaul nazar aataa hai ghar par