apne me.n dikhaataa hai jo allaah kaa jalva ajmer kaa KHvaaja

apne me.n dikhaataa hai jo allaah kaa jalva ajmer kaa KHvaaja

maujuud hu.aa ban ke mohammad kaa saraapaa ajmer kaa KHvaaja

tanziih se tashbiih me.n pahu.nchaa hai jo aa kar vo sirr-e-mazhar

kahlaataa hai maKHluuq-e-jahaa.n me.n vahii bandaa ajmer kaa KHvaaja

mauj aur hubaab aap hii bantaa hai jo saaf aab kasrat me.n hai girdaab

vahdat ke ahaata me.n nazar aayaa hai dariyaa ajmer kaa KHvaaja

jo kuchh hai ye hai us kaa nahii.n ko.ii bhii ham-sar ye apnaa hai rahbar

laa-saanii-o-be-misl hai aur arfa'a-o-a'alaa ajmer kaa KHvaaja

jo zaat KHudaa kii hai mohammad kii sifat me.n sab Gaur se samjhe.n

ahmad kii haqiiqat hii kaa mutlaq hai nazaaraa ajmer kaa KHvaaja

hind aur dakan me.n hai faqat us kaa hii faizaan ye apnaa hai iimaan

paiGaambar-e-hind hai ye piir hamaaraa ajmer kaa KHvaaja

bat.haa ko tavaaf us ke jo gumbad kaa hai haasil ye kahte hai.n 'kaamil'

hind aur dakan me.n hai yahii qibla-o-kaa'ba ajmer kaa KHvaaja

hind aur dakan us kii vilaayat se hai aabaad hai silsila-e-iijaad

'aalam me.n ravaa.n kar gayaa KHud apnaa tariiqa ajmer kaa KHvaaja

ye mulak kaa apne hai ba.Daa ek shahanshaah sab us kii hai paagaah

rakhtaa hai zamaana me.n sulaimaan kaa saa rutbaa ajmer kaa KHvaaja

annaasu 'alaa diinin se hai haasil ye hii matlab banda huu.n mai.n vo rab

mai.n taabe.a-e-farmaa.n huu.n hai mutlaq miraa maulaa ajmer kaa KHvaaja

har ek nafas us kii taraf hai jo miraa dhyaan taa.at kaa hai saamaan

KHud abru.o.n se rakhtaa hai mahraab haram kaa ajmer kaa KHvaaja

hai chisth kaa baazaar bahut garm hamesha aisaa nahii.n dekhaa

bai'at jo kii ab kHuub miraa ban gayaa saudaa ajmer kaa KHvaaja

hai chisth kii aatish ye bahut tiir-e-azal se muusaa se samajh le

KHurshiid se vo chand banaa tuur kaa sho'ala ajmer kaa KHvaaja

me.n mard muvahhid huu.n ki yaksaa.n hai.n sabhii yahaa.n gar 'ishq hai pahchaan

ghuu.nghaT me.n vo mahbuub hai rakhtaa nahii.n parvaa ajmer kaa KHvaaja

ye ramz hai baariik samajh le tu mirii baat rah fikr me.n din raat

rakhtaa hai 'ajiib bhed ye diida na shuniida ajmer kaa KHvaaja

hargiz nahii.n shaa.ir saa Guluu mere suKHan me.n shaa.eq jo ho dekhe.n

'ushshaaq kii nisbat ke liye piir hai yaktaa ajmer kaa KHvaaja

sau jaan se hotaa huu.n fidaa qadmo.n pe us ke kahtaa huu.n ye dil se

'aashiq jo banaa huu.n mai.n vo mahbuub hai meraa ajmer kaa KHvaaja

apne me.n dikhaataa hai jo allaah kaa jalva ajmer kaa KHvaaja

maujuud hu.aa ban ke mohammad kaa saraapaa ajmer kaa KHvaaja

tanziih se tashbiih me.n pahu.nchaa hai jo aa kar vo sirr-e-mazhar

kahlaataa hai maKHluuq-e-jahaa.n me.n vahii bandaa ajmer kaa KHvaaja

mauj aur hubaab aap hii bantaa hai jo saaf aab kasrat me.n hai girdaab

vahdat ke ahaata me.n nazar aayaa hai dariyaa ajmer kaa KHvaaja

jo kuchh hai ye hai us kaa nahii.n ko.ii bhii ham-sar ye apnaa hai rahbar

laa-saanii-o-be-misl hai aur arfa'a-o-a'alaa ajmer kaa KHvaaja

jo zaat KHudaa kii hai mohammad kii sifat me.n sab Gaur se samjhe.n

ahmad kii haqiiqat hii kaa mutlaq hai nazaaraa ajmer kaa KHvaaja

hind aur dakan me.n hai faqat us kaa hii faizaan ye apnaa hai iimaan

paiGaambar-e-hind hai ye piir hamaaraa ajmer kaa KHvaaja

bat.haa ko tavaaf us ke jo gumbad kaa hai haasil ye kahte hai.n 'kaamil'

hind aur dakan me.n hai yahii qibla-o-kaa'ba ajmer kaa KHvaaja

hind aur dakan us kii vilaayat se hai aabaad hai silsila-e-iijaad

'aalam me.n ravaa.n kar gayaa KHud apnaa tariiqa ajmer kaa KHvaaja

ye mulak kaa apne hai ba.Daa ek shahanshaah sab us kii hai paagaah

rakhtaa hai zamaana me.n sulaimaan kaa saa rutbaa ajmer kaa KHvaaja

annaasu 'alaa diinin se hai haasil ye hii matlab banda huu.n mai.n vo rab

mai.n taabe.a-e-farmaa.n huu.n hai mutlaq miraa maulaa ajmer kaa KHvaaja

har ek nafas us kii taraf hai jo miraa dhyaan taa.at kaa hai saamaan

KHud abru.o.n se rakhtaa hai mahraab haram kaa ajmer kaa KHvaaja

hai chisth kaa baazaar bahut garm hamesha aisaa nahii.n dekhaa

bai'at jo kii ab kHuub miraa ban gayaa saudaa ajmer kaa KHvaaja

hai chisth kii aatish ye bahut tiir-e-azal se muusaa se samajh le

KHurshiid se vo chand banaa tuur kaa sho'ala ajmer kaa KHvaaja

me.n mard muvahhid huu.n ki yaksaa.n hai.n sabhii yahaa.n gar 'ishq hai pahchaan

ghuu.nghaT me.n vo mahbuub hai rakhtaa nahii.n parvaa ajmer kaa KHvaaja

ye ramz hai baariik samajh le tu mirii baat rah fikr me.n din raat

rakhtaa hai 'ajiib bhed ye diida na shuniida ajmer kaa KHvaaja

hargiz nahii.n shaa.ir saa Guluu mere suKHan me.n shaa.eq jo ho dekhe.n

'ushshaaq kii nisbat ke liye piir hai yaktaa ajmer kaa KHvaaja

sau jaan se hotaa huu.n fidaa qadmo.n pe us ke kahtaa huu.n ye dil se

'aashiq jo banaa huu.n mai.n vo mahbuub hai meraa ajmer kaa KHvaaja