بسی دل میں محبت ہے جناب غوث اعظم کی

بسی دل میں محبت ہے جناب غوث اعظم کی

کھنچی آنکھوں میں صورت ہے جناب غوث اعظم کی

بشر کیا ہے فرشتے سونگھنے آتے ہیں محفل میں

عجب زلفوں میں نکہت ہے جناب غوث اعظم کی

فضیلت جیسے نبیوں میں ہمارے شارہ دیں کو ہے

وہ ولیوں میں ولایت ہے جناب غوث اعظم کی

ہدایت ہیں وہ دنیا ہیں حمایت ہیں وہ عقبیٰ میں

عنایت پر عنایت ہے جناب غوث اعظم کی

ہے ان کی ٹھوکروں میں بھی عجب لطفِ مسیحائی

یہ ادنیٰ سے کرامت ہے جناب غوث اعظم کی

’’مریدی لا تخف‘‘ فرمان ہے کیسا تسلی بخش

لحد میں بھی حمایت ہے جناب غوث اعظم کی

ہوئے قزاق تائب سب دکھائی راۂ حق ان کو

صداقت وہ صداقت ہے جناب غوث اعظم کی

چھڑایا جا کے روحوں کو فلک پر آپ نے اک دم

یہ کس پایہ کی طاقت ہے جناب غوث اعظم کی

قدم معراج کی شب دوش پر رکھا ہے حضرت نے

سنا تم نے یہ رفعت ہے جناب غوث اعظم کی

مرادیں ہوں گی پوری سب تمہاری بالیقیں بیدلؔ

کہ ہاں تم پر عنایت ہے جناب غوث اعظم کی