mohammad maz.har-e-kaamil hai haq kii shaan-e-'izzat kaa

mohammad maz.har-e-kaamil hai haq kii shaan-e-'izzat kaa

nazar aataa hai is kasrat me.n kuchh andaaz vahdat kaa

yahii hai asl 'aalam maadda-e-iijaada KHilqat kaa

yahaa.n vahdat me.n barpaa hai 'ajab ha.ngaama kasrat kaa

gadaa bhii muntazir hai KHuld me.n neko.n kii daa'vat kaa

KHudaa din KHair se laa.e saKHii ke ghar ziyaafat kaa

gunah maGfuur dil raushan KHunuk aa.nkhe.n jigar ThanDaa

ta.aalallaah maah-e-taiba 'aalam terii tal.at kaa

na rakkhii gul kii josh-e-husn ne gulshan me.n jaa baaqii

chaTaktaa phir kahaa.n Guncha ko.ii baaG-e-risaalat kaa

ba.Dhaa ye silsila rahmat kaa daur-e-zulf vaalaa me.n

tasalsul kaale koso.n rah gayaa 'isyaa.n kii zulmat kaa

saf-e-maatam uThe KHaalii ho zindaa.n TuuTii.n zanjiire.n

gunahgaaro chalo maulaa ne dar kholaa hai jannat kaa

sikhaayaa hai ye kis gustaaKH ne aa.iina ko yaarab

nazaara ruu-e-jaanaa.n kaa bahaana karke hairat kaa

idhar ummat kii hasrat par udhar KHaaliq kii rahmat par

niraalaa tuur hogaa gardish-e-chashm-e-shafaa'at kaa

ba.Dhii.n is darja mauje.n kasrat-e-afzaal vaalaa kii

kinaara mil gayaa us nahr se dariyaa-e-vahdat kaa

madad ai joshish-e-girya bahaa de koh aur sahraa

nazar aa jaa.e jalva be-hijaab us paak turbat kaa

vo chamkii.n bijliyaa.n yaarab tajallii-haa-e-jaanaa.n se

ki chashm-e-tuur kaa surma ho dil-e-mushtaaq ruuyat kaa

razaa-e-KHasta josh-e-bahr-e-'isyaa.n se na ghabraanaa

kabhii to haath aa jaa.egaa daaman un kii rahmat kaa

mohammad maz.har-e-kaamil hai haq kii shaan-e-'izzat kaa

nazar aataa hai is kasrat me.n kuchh andaaz vahdat kaa

yahii hai asl 'aalam maadda-e-iijaada KHilqat kaa

yahaa.n vahdat me.n barpaa hai 'ajab ha.ngaama kasrat kaa

gadaa bhii muntazir hai KHuld me.n neko.n kii daa'vat kaa

KHudaa din KHair se laa.e saKHii ke ghar ziyaafat kaa

gunah maGfuur dil raushan KHunuk aa.nkhe.n jigar ThanDaa

ta.aalallaah maah-e-taiba 'aalam terii tal.at kaa

na rakkhii gul kii josh-e-husn ne gulshan me.n jaa baaqii

chaTaktaa phir kahaa.n Guncha ko.ii baaG-e-risaalat kaa

ba.Dhaa ye silsila rahmat kaa daur-e-zulf vaalaa me.n

tasalsul kaale koso.n rah gayaa 'isyaa.n kii zulmat kaa

saf-e-maatam uThe KHaalii ho zindaa.n TuuTii.n zanjiire.n

gunahgaaro chalo maulaa ne dar kholaa hai jannat kaa

sikhaayaa hai ye kis gustaaKH ne aa.iina ko yaarab

nazaara ruu-e-jaanaa.n kaa bahaana karke hairat kaa

idhar ummat kii hasrat par udhar KHaaliq kii rahmat par

niraalaa tuur hogaa gardish-e-chashm-e-shafaa'at kaa

ba.Dhii.n is darja mauje.n kasrat-e-afzaal vaalaa kii

kinaara mil gayaa us nahr se dariyaa-e-vahdat kaa

madad ai joshish-e-girya bahaa de koh aur sahraa

nazar aa jaa.e jalva be-hijaab us paak turbat kaa

vo chamkii.n bijliyaa.n yaarab tajallii-haa-e-jaanaa.n se

ki chashm-e-tuur kaa surma ho dil-e-mushtaaq ruuyat kaa

razaa-e-KHasta josh-e-bahr-e-'isyaa.n se na ghabraanaa

kabhii to haath aa jaa.egaa daaman un kii rahmat kaa