hai kalaam-e-ilaahii me.n shams-o-zu.haa tire chehra-e-nuur fazaa kii qasam

hai kalaam-e-ilaahii me.n shams-o-zu.haa tire chehra-e-nuur fazaa kii qasam
Ahmad Raza Khan
MORE BYAhmad Raza Khan
hai kalaam-e-ilaahii me.n shams-o-zu.haa tire chehra-e-nuur fazaa kii qasam
qasam shab-e-taar me.n raaz ye thaa ki habiib kii zulf-e-dotaa kii qasam
tire KHulq ko haq ne 'aziim kahaa tirii KHulq ko haq ne jamiil kiyaa
ko.ii tujh saa hu.aa hai na hogaa shahaa tire kHaaliq-e-husn-o-adaa kii qasam
vo KHudaa ne hai martaba tujh ko diyaa na kisii ko mile na kisii ko milaa
ki kalaam-e-majiid ne khaa.ii shahaa tire shahar-o-kalaam-o-baqaa kii qasam
tiraa masnad-e-naaz hai 'arsh-e-barii.n tiraa mahram-e-raaz hai ruuh-e-amii.n
tuuhii sarvar-e-har-do-jahaa.n hai shahaa tiraa misal nahii.n hai KHudaa kii qasam
yahii 'arz hai KHaaliq-e-arz-o-samaa vo rasuul hai.n tire mai.n banda tiraa
mujhe un ke jvaar me.n de vo jagah ki hai KHuld ko jis kii safaa kii qasam
tuuhii bando.n pe karataa hai lutf-o-'ataa hai tujhii pe bharosaa tujhii se du'aa
mujhe jalva-e-paak-e-rasuul dikhaa tujhe apne hii ’izz-o-'ulaa kii qasam
mire garche gunaah hai.n had se sivaa magar un se ummiid hai tujh se rajaa
tuu rahiim hai un kaa karam hai gavaah vo kariim hai.n terii 'ataa kii qasam
yahii kahtii hai bulbul baaG jinaa.n ki 'razaa' kii tarah ko.i sehr-bayaa.n
nahii.n hind me.n vaasif-e-shaah-e-hudaa mujhe shoKHii-e-taba’-e-'razaa' kii qasam
hai kalaam-e-ilaahii me.n shams-o-zu.haa tire chehra-e-nuur fazaa kii qasam
qasam shab-e-taar me.n raaz ye thaa ki habiib kii zulf-e-dotaa kii qasam
tire KHulq ko haq ne 'aziim kahaa tirii KHulq ko haq ne jamiil kiyaa
ko.ii tujh saa hu.aa hai na hogaa shahaa tire kHaaliq-e-husn-o-adaa kii qasam
vo KHudaa ne hai martaba tujh ko diyaa na kisii ko mile na kisii ko milaa
ki kalaam-e-majiid ne khaa.ii shahaa tire shahar-o-kalaam-o-baqaa kii qasam
tiraa masnad-e-naaz hai 'arsh-e-barii.n tiraa mahram-e-raaz hai ruuh-e-amii.n
tuuhii sarvar-e-har-do-jahaa.n hai shahaa tiraa misal nahii.n hai KHudaa kii qasam
yahii 'arz hai KHaaliq-e-arz-o-samaa vo rasuul hai.n tire mai.n banda tiraa
mujhe un ke jvaar me.n de vo jagah ki hai KHuld ko jis kii safaa kii qasam
tuuhii bando.n pe karataa hai lutf-o-'ataa hai tujhii pe bharosaa tujhii se du'aa
mujhe jalva-e-paak-e-rasuul dikhaa tujhe apne hii ’izz-o-'ulaa kii qasam
mire garche gunaah hai.n had se sivaa magar un se ummiid hai tujh se rajaa
tuu rahiim hai un kaa karam hai gavaah vo kariim hai.n terii 'ataa kii qasam
yahii kahtii hai bulbul baaG jinaa.n ki 'razaa' kii tarah ko.i sehr-bayaa.n
nahii.n hind me.n vaasif-e-shaah-e-hudaa mujhe shoKHii-e-taba’-e-'razaa' kii qasam
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.