اے بہارِ باغِ ایماں مرحبا صد مرحبا
اے بہارِ باغِ ایماں مرحبا صد مرحبا
اے چراغِ بزمِ عرفاں مرحبا صد مرحبا
تم سے رونق دین کی تم سے بہار ایمان کی
حامیِ دینِ نبی ہو اہلِ دیں کے مدعا
بے گماں جانا رسول اللہ سے اللہ کو
رہبری سے تیری پایا ہم نے بابِ مصطفیٰ
آپ کی تقریر ہے بے شبہہ تفسیرِ حدیث
آپ کی تحریر ہے بیماریِ دل کی دوا
آپ کے سایہ میں گر آوے مگس ہووے ہُما
آپ کی چشم کرم سے مس بھی بن جائے طلا
کیوں نہ ہو تم پہ تصدق اہلِ دل اہلِ نظر
جانشینِ مصطفیٰ ہو نورِ چشمِ مصطفٰی
تم نعیمِ دِین ہو سالکؔ فقیرِ دین ہے
حق تعالیٰ نے تمہیں منعم کیا اس کو گدا
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
