allaah re shaadaabii-e-gulzaar-e-mohammad

allaah re shaadaabii-e-gulzaar-e-mohammad

har phuul pe hai baarish-e-anvaar-e-mohammad

qurbaa.n karuu.n gulshan-e-jannat kii bahaare.n

mil jaa.e agar saaya-e-diivaar-e-mohammad

dikhlaa de KHudaa mujh ko bhii vo aariz-e-taabaa.n

kahtaa hai zamaana mujhe mai-KHvaar-e-mohammad

insaan to insaa.n farishte bhii adab se

hai.n sub.h-o-masaa haazir-e-darbaar-e-mohammad

diidaar ke evaz yahaa.n KHud bikte hai.n aashiq

dekhe to ko.ii garmii-e-baazaar-e-mohammad

'sattar' uThe.n jhuum ke rahmat kii ghaTaa.e.n

khul jaa.e.n agar gesuu-e-KHam-daar-e-mohammad

allaah re shaadaabii-e-gulzaar-e-mohammad

har phuul pe hai baarish-e-anvaar-e-mohammad

qurbaa.n karuu.n gulshan-e-jannat kii bahaare.n

mil jaa.e agar saaya-e-diivaar-e-mohammad

dikhlaa de KHudaa mujh ko bhii vo aariz-e-taabaa.n

kahtaa hai zamaana mujhe mai-KHvaar-e-mohammad

insaan to insaa.n farishte bhii adab se

hai.n sub.h-o-masaa haazir-e-darbaar-e-mohammad

diidaar ke evaz yahaa.n KHud bikte hai.n aashiq

dekhe to ko.ii garmii-e-baazaar-e-mohammad

'sattar' uThe.n jhuum ke rahmat kii ghaTaa.e.n

khul jaa.e.n agar gesuu-e-KHam-daar-e-mohammad