zaahir vahaa.n bhii jalva hai rabb-e-jaliil kaa

zaahir vahaa.n bhii jalva hai rabb-e-jaliil kaa

pahu.nche KHayaal tak na jahaa.n jibra.iil kaa

vo phuul huu.n mai.n gulshan-e-rabb-e-jaliil kaa

KHushbuu se baaG baaG hai dil jibra.iil kaa

gul ko diyaa hai husn to bulbul ko dii hai chaah

kis mu.nh se vasf kiijiye us be-’adiil kaa

detaa hai rizq kii.Do.n ko patthar ke sub.h-o-shaam

aisaa hai faiz-e-’aam hamaare kafiil kaa

muusaa kii tarah merii du'aa.on ko raah de

garduu.n bhii ek paaT hai dariyaa-e-niil kaa

be.Daa miraa bhii bahr mohabbat ke paar kar

rasta mujhe bhii yaad hai dariyaa-e-niil kaa

'aalam me.n sar-kashii kaa na phir ko.ii naam le

qissa agar sune kabhii as.haab-e-fiil kaa

har chand is bisaat pe ik musht-e-KHaak huu.n

rutba malak se bhii hai sivaa mujh zaliil kaa

us ne mizaaj-e-ruuh kiyaa sab kaa mo’tadil

qaalib bhii ek hii hai shariif-o-raziil kaa

is vaqt jis maqaam me.n hai paik-e-fikr-e-'arsh'

mumkin nahii.n guzar ho vahaa.n jibra.iil kaa

zaahir vahaa.n bhii jalva hai rabb-e-jaliil kaa

pahu.nche KHayaal tak na jahaa.n jibra.iil kaa

vo phuul huu.n mai.n gulshan-e-rabb-e-jaliil kaa

KHushbuu se baaG baaG hai dil jibra.iil kaa

gul ko diyaa hai husn to bulbul ko dii hai chaah

kis mu.nh se vasf kiijiye us be-’adiil kaa

detaa hai rizq kii.Do.n ko patthar ke sub.h-o-shaam

aisaa hai faiz-e-’aam hamaare kafiil kaa

muusaa kii tarah merii du'aa.on ko raah de

garduu.n bhii ek paaT hai dariyaa-e-niil kaa

be.Daa miraa bhii bahr mohabbat ke paar kar

rasta mujhe bhii yaad hai dariyaa-e-niil kaa

'aalam me.n sar-kashii kaa na phir ko.ii naam le

qissa agar sune kabhii as.haab-e-fiil kaa

har chand is bisaat pe ik musht-e-KHaak huu.n

rutba malak se bhii hai sivaa mujh zaliil kaa

us ne mizaaj-e-ruuh kiyaa sab kaa mo’tadil

qaalib bhii ek hii hai shariif-o-raziil kaa

is vaqt jis maqaam me.n hai paik-e-fikr-e-'arsh'

mumkin nahii.n guzar ho vahaa.n jibra.iil kaa