اللہ اللہ رے جلال ہیبت شیر خدا

اللہ اللہ رے جلال ہیبت شیر خدا

کانپ اٹھے افلاک سارے عرش اعظم ہل گیا

دیکھ کر دستِ غضب میں اس کی تیغ خوں فشاں

حاملانِ عرش چلائے رضینا بالقضا

اے وہ واحد ذات، خیبر کو دیا جس نے اکھاڑ

اے وہ طاقت، کوہ کو اک وار میں دو کر دیا

اے کہ وہ ہے زلزلہ جس سے زمیں پر آج تک

اے کہ وہ، جس سے یہیں قائم جگر سیماب کا

اے کہ وہ مٹھی میں جس کی ہے تمامی کائنات

اے کہ وہ قبضے میں جس کے پنجۂ دستِ خدا

اے کہ وہ کی خضر کی سو بار جس نے رہبری

اے کہ وہ ہے دستگیر ہر امام و اؤلیا

عرشؔ کے بھی ڈوبتے بیڑے کو دے مولا نکال

اے وصی، اے پیشوا، اے مرتضیٰ اے ناخدا