ہے مرے پیش نظر آج دربار صابر

ہے مرے پیش نظر آج دربار صابر

جان و دل کیوں نہ کروں اپنا نثار صابر

کیوں نہ کاہیدہ نظر آے فلک پر مہِ نو

یاد ہے اس کو ابھی تک تن زارِ صابر

تشنہ کام آج نہیں رہنے کے ہرگز محروم

سر پہ چھایا ہوا ہے ابر بہارِ صابر

مجمع خلق خدا پھر بھی ہے ہر سمت یہاں

گو ہے، سنسان بیابان میں مزارِ صابر

باغ جنت پہ نہیں جس کا کہ ایماں قائم

دیکھ لے وادی کلیر میں بہار صابر

دیکھوں کیا ملتا ہے اتنے بڑے دربار سے عرشؔ

سر جھکائے ہوں کھڑا پیش مزارِ صابر