ye rauza jis me.n KHvaaja tuu makii.n hai

ye rauza jis me.n KHvaaja tuu makii.n hai

ye kaa'ba hai ki ye 'arsh-e-barii.n hai

vo kashtii hai mirii dariyaa-e-Gam me.n

sahaaraa jis ko tinke kaa nahii.n hai

yahaa.n to rone hii dhone se hai kaam

hamaarii aa.nkh hai aur aastii.n hai

jamaal-e-kHvaaja-e-’aalam to dekho

ruKH-e-raushan pe zulf-e-’ambarii.n hai

KHudaa kii zaat tujh me.n tuu KHudaa me.n

ye kyaa qissa hai kuchh khultaa nahii.n hai

ba-ra.ng-e-sa.ng-e-dar baiThaa hu.aa huu.n

qadam ajmer se uThtaa nahii.n hai

kahaa.n jaa.uu.n tire dar se mai.n KHvaaja

ki bekas huu.n miraa ko.ii nahii.n hai

KHudaayaa ab badal de suurat-e-Gam

tuu suurat-gar hai suurat-aafrii.n hai

sukuun-e-qalb haasil aaj hai 'arsh'

nigaahe.n hai.n jahaa.n dil bhii vahii.n hai

ye rauza jis me.n KHvaaja tuu makii.n hai

ye kaa'ba hai ki ye 'arsh-e-barii.n hai

vo kashtii hai mirii dariyaa-e-Gam me.n

sahaaraa jis ko tinke kaa nahii.n hai

yahaa.n to rone hii dhone se hai kaam

hamaarii aa.nkh hai aur aastii.n hai

jamaal-e-kHvaaja-e-’aalam to dekho

ruKH-e-raushan pe zulf-e-’ambarii.n hai

KHudaa kii zaat tujh me.n tuu KHudaa me.n

ye kyaa qissa hai kuchh khultaa nahii.n hai

ba-ra.ng-e-sa.ng-e-dar baiThaa hu.aa huu.n

qadam ajmer se uThtaa nahii.n hai

kahaa.n jaa.uu.n tire dar se mai.n KHvaaja

ki bekas huu.n miraa ko.ii nahii.n hai

KHudaayaa ab badal de suurat-e-Gam

tuu suurat-gar hai suurat-aafrii.n hai

sukuun-e-qalb haasil aaj hai 'arsh'

nigaahe.n hai.n jahaa.n dil bhii vahii.n hai