دلوں پہ دیکھ لو قبضہ مرے شاہ جی میاں کا ہے

دلوں پہ دیکھ لو قبضہ مرے شاہ جی میاں کا ہے

ہر اک سو چل رہا سکہ مرے شاہ جی میاں کا ہے

بجا ہے عرش پہ ڈنکا مرے شاہ جی میاں کا ہے

جدھر بھی دیکھیے چرچا مرے شاہ جی میاں کا ہے

ہے سر پہ کالی ٹوپی کالا کرتا نیلا ہے تہبند

لباس پاک یہ سادہ مرے شاہ جی میاں کا ہے

مخالف آندھیاں مجھ کو ہلا سکتی نہیں یاروں

جگر پہ نام جو لکھا مرے شاہ جی میاں کا ہے

یہ پیلی بھیت ہے آ کر کبھی تم عرس میں دیکھو

یہاں گھر گھر میں قل ہوتا مرے شاہ جی میاں کا ہے

حفاظت خود بخود کرتی ہیں موجیں اس سفینہ کی

کہ جس پے نام ہے لکھا مرے شاہ جی میاں کا ہے

رضا تشریف لائے بارہا یہ عشق تو دیکھو

رضا سے دائمی رشتہ مرے شاہ جی میاں کا ہے

مدد کو آپ جاتے ہیں سہارا عرش دینے کو

گھرا طوفاں میں گر شیدا مرے شاہ جی میاں کا ہے