اللہ بھی ہے نور، محمد بھی نور ہے

اللہ بھی ہے نور، محمد بھی نور ہے

یہ دونوں نور مل کے ہیں، یا دور دور ہے

کل کائنات گر ہے محمد کے نور سے

اللہ کا وہ نور کیا بے کار نور ہے

پہچان کیا ہے اللہ محمد کے نور کی

کس طرح سمجھیں نور کو یہ کس کا نور ہے

شہ رگ سے وہ قریب ہے شہ رگ میں کیوں نہیں

اس راز کو وہ جانے گا جو باشعور ہے

ابلیس بھی تھا آدم و حوا بھی خلد میں

سچ سچ بتاؤ تینوں میں کس کا قصور ہے

مل جائے کوئی عارفِ کامل تو پوچھ لوں

بتلا کہ ’’کس‘‘ کے نور سے ’’کس‘‘ کا ظہور ہے

رضواںؔ اگر وہ ہوگا تو ہوگا نفوس میں

جب ہی تو نفسیات کو اتنا غرور ہے