اللہ سے قربتِ سلطان مدینہ

اللہ سے قربتِ سلطان مدینہ

فیضانِ کرم رحمتِ سلطان مدینہ

محبوبِ خدا فخرِ رسل سرور دیں ہیں

اے صل علی عظمتِ سلطانِ مدینہ

قرآن میں خود ہے خدا ثنا خوانِ محمد

اب کیا ہو بیاں رفعتِ سلطانِ مدینہ

یہ شمس و قمر تابع فرمانِ نبی ہیں

یہ شان ہے یہ شوکتِ سلطانِ مدینہ

اُن کے قدِ زیبا کا تو سایہ ہی نہیں ہے

جلوت میں بھی ہے خلوتِ سلطانِ مدینہ

اُس نورِ مجسم سے دو عالم میں ضیا ہے

دیکھے تو کوئی طلعتِ سلطانِ مدینہ

بیدارؔ میں یاد غمِ عصیاں سے خجل تھا

کام آئی مرے رحمتِ سلطانِ مدینہ