maz.har-e-nuur-e-dii.n mu'iinuddiin

maz.har-e-nuur-e-dii.n mu'iinuddiin

aaftaab-e-zamii.n mu'iinuddiin

kHvaaja-e-kHvaajgaan-e-hindustaan

be-gumaan-e-bil-yaqii.n mu'iinuddiin

savar-e-a.nbiyaa rasuul-allaah

haamii-e-muslimii.n mu'iinuddiin

mai.n tire aastaa.n kaa KHaak-nashii.n

tuu miraa dil-nashii.n mu'iinuddiin

al-madad al-madad ki tere sivaa

ko.ii meraa nahii.n mu'iinuddiin

dar-e-fridaus par ho aap kaa haat

aur ye aastii.n mu'iinuddiin

vo jahaa.n hai vahii.n hai dil kitne

mai.n jahaa.n huu.n vahii.n mu'iinuddiin

'daaG' teraa hii dam bhare jaa.e

taa-dam-e-vaapsii.n mu'iinuddiin

maz.har-e-nuur-e-dii.n mu'iinuddiin

aaftaab-e-zamii.n mu'iinuddiin

kHvaaja-e-kHvaajgaan-e-hindustaan

be-gumaan-e-bil-yaqii.n mu'iinuddiin

savar-e-a.nbiyaa rasuul-allaah

haamii-e-muslimii.n mu'iinuddiin

mai.n tire aastaa.n kaa KHaak-nashii.n

tuu miraa dil-nashii.n mu'iinuddiin

al-madad al-madad ki tere sivaa

ko.ii meraa nahii.n mu'iinuddiin

dar-e-fridaus par ho aap kaa haat

aur ye aastii.n mu'iinuddiin

vo jahaa.n hai vahii.n hai dil kitne

mai.n jahaa.n huu.n vahii.n mu'iinuddiin

'daaG' teraa hii dam bhare jaa.e

taa-dam-e-vaapsii.n mu'iinuddiin