aamad se mustafaa kii har ik shai badal ga.ii
aamad se mustafaa kii har ik shai badal ga.ii
zulmat jo dahr kii thii ujaale me.n Dhal ga.ii
taa'liim se rasuul kii raushan hu.e dimaaG
har qalb me.n KHuluus kii qindiil jal ga.ii
hirmaa.n-nasiib saayaa-e-rahmat me.n aa ga.e
insaa.n ke sar se dhuup masaa.ib kii Dhal ga.ii
qasr-e-sitam me.n aag lagaa dii rasuul ne
har ek intiqaam kii talvaar nikal ga.ii
zarro.n ko aaftaab kaa ham-sar banaa diyaa
duniyaa me.n aap aa.e to duniyaa badal ga.ii
jab bhii pa.Dhaa daruud risaalat ma.aab par
katraa ke mujh se gardish-e-dauraa.n nikal ga.ii
sunte hii chaaraa-saaz-e-do-'aalam kaa tazkira
biimaar-e-jabr-o-zulm kii haalat sambhal ga.ii
chhuuTaa hai jab se daaman-e-aKHlaaq-e-mustafaa
apne gale pe apnii hii talvaar chal ga.ii
'ejaaz' un ke naam kaa e'jaaz dekhiye
baab-e-asar kii samt du'aa har mahal ga.ii
aamad se mustafaa kii har ik shai badal ga.ii
zulmat jo dahr kii thii ujaale me.n Dhal ga.ii
taa'liim se rasuul kii raushan hu.e dimaaG
har qalb me.n KHuluus kii qindiil jal ga.ii
hirmaa.n-nasiib saayaa-e-rahmat me.n aa ga.e
insaa.n ke sar se dhuup masaa.ib kii Dhal ga.ii
qasr-e-sitam me.n aag lagaa dii rasuul ne
har ek intiqaam kii talvaar nikal ga.ii
zarro.n ko aaftaab kaa ham-sar banaa diyaa
duniyaa me.n aap aa.e to duniyaa badal ga.ii
jab bhii pa.Dhaa daruud risaalat ma.aab par
katraa ke mujh se gardish-e-dauraa.n nikal ga.ii
sunte hii chaaraa-saaz-e-do-'aalam kaa tazkira
biimaar-e-jabr-o-zulm kii haalat sambhal ga.ii
chhuuTaa hai jab se daaman-e-aKHlaaq-e-mustafaa
apne gale pe apnii hii talvaar chal ga.ii
'ejaaz' un ke naam kaa e'jaaz dekhiye
baab-e-asar kii samt du'aa har mahal ga.ii
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
