پردہ اٹھا محمد کے رخ سے، ہو گیا دو جہاں میں اجالا

پردہ اٹھا محمد کے رخ سے، ہو گیا دو جہاں میں اجالا

ذرے ذرے سے آواز آئی، آ گیا آ گیا کملی والا

بے سہارا تھے ہم روزِ محشر، کون فریاد تھا سننے والا

یا نبی! آپ کی رحمتوں نے، عاصیوں کا مقدر سنبھالا

فرش سے لے کے عرشِ علیٰ تک، نور ہی نور بکھرا ہوا ہے

تیرے جلوؤں نے اے ماہِ طیبہ! کر دیا دو جہاں میں اجالا

میں بھی محتاج ہوں یا محمد! دیجیے کچھ نواسوں کا صدقہ

آپ نے سب کی جھولی بھری ہے، آپ ہی نے تو سب کو ہے پالا

ہے یہ معراج کی رات دیکھو، حق فرشتوں سے یوں کہہ رہا ہے

عرشِ اعظم کی رونق بڑھا دو، میرا محبوب ہے آنے والا

تم نہ کرتے اگر چشمِ رحمت، غم کے دریا میں ہم ڈوب جاتے

نا خدائی نے آقا! تمہاری، بیکسوں کا سفینہ نکالا

اے فناؔ ہم ہیں ایمان والے، روزِ محشر کا غم کس لیے ہو

ہاتھ میں ہے محمد کا دامن، سر پہ ہے رحمتوں کا دوشالا