گلِ بستانِ معشوقی مہ تابانِ محبوبی

گلِ بستانِ معشوقی مہ تابانِ محبوبی

نظام الدین سلطان المشایخ جان محبوبی

فقط کنعان میں یوسف نے پائی عزت وشاہی

تمہیں کونین میں حق نے کیا شایانِ محبوبی

جو آنکھیں بادۂ عرفاں کے دو لبریز ساغر ہیں

توہیں مصراعِ ابرو مطلعِ دیوانِ محبوبی

تمہاری ذاتِ عالی ہے کسوٹی حق شناسی کی

وہی عارف ہیں جو ہیں مرتبہ دانانِ محبوبی

خدارا جلوہ گاہِ ناز میں آکر خراماں ہو

کہ دل قربانِ معشوقی ہے جاں قربان محبوبی

نہیں زاہد ہوس دل میں ہمارے ظلِ طوبی کی

کہ ہے سر میں ہوائے سایۂ دامانِ محبوبی

دو شمع نور اگر رخسارِ محبوبِ الٰہی ہیں

تو لب ہیں آپ کے دو چشمۂ حیوانِ محبوبی

پئے خواجہ فرید الدیں ملے ایک گھونٹ راوی کو

بہت پیاسا ہے یہ اے چشمۂ فیضانِ محبوبی