huzuur-o-Gaib me.n kuchh imtiyaaz ho to kahuu.n
huzuur-o-Gaib me.n kuchh imtiyaaz ho to kahuu.n
haqiiqat apnii nazar me.n majaaz ho to kahuu.n
hadiis-e-raaz hai meraa fasaana-e-ulfat
yahii fasaana jo daanaa-e-raaz ho to kahuu.n
payaam-e-'ishq talab-gaar-e-dil-navaazii hai
agar jahaa.n me.n ko.ii dil-navaaz ho to kahuu.n
hazaar sham.a jale.n aur laakh parvaane
KHud-aagahii me.n ye soz-o-gudaaz ho to kahuu.n
mai.n dekhtaa huu.n har ik shai KHudaa kii hamd me.n hai
sanam-kade me.n ko.ii be-namaaz ho to kahuu.n
'zahiin' kasrat-e-nusrat hai jalva-e-mahmuud
mirii nigaah me.n ko.ii ayaaz ho to kahuu.n
huzuur-o-Gaib me.n kuchh imtiyaaz ho to kahuu.n
haqiiqat apnii nazar me.n majaaz ho to kahuu.n
hadiis-e-raaz hai meraa fasaana-e-ulfat
yahii fasaana jo daanaa-e-raaz ho to kahuu.n
payaam-e-'ishq talab-gaar-e-dil-navaazii hai
agar jahaa.n me.n ko.ii dil-navaaz ho to kahuu.n
hazaar sham.a jale.n aur laakh parvaane
KHud-aagahii me.n ye soz-o-gudaaz ho to kahuu.n
mai.n dekhtaa huu.n har ik shai KHudaa kii hamd me.n hai
sanam-kade me.n ko.ii be-namaaz ho to kahuu.n
'zahiin' kasrat-e-nusrat hai jalva-e-mahmuud
mirii nigaah me.n ko.ii ayaaz ho to kahuu.n
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
