'ishq ke ra.ng me.n ra.ng jaa.e.n jab afkaar to khulte hai.n Gulaamo.n pe vo asraar ki rahte hai.n vo tausiif-o-sanaa-e-shah-e-abraar me.n har lahza guhar-baar

'ishq ke ra.ng me.n ra.ng jaa.e.n jab afkaar to khulte hai.n Gulaamo.n pe vo asraar ki rahte hai.n vo tausiif-o-sanaa-e-shah-e-abraar me.n har lahza guhar-baar

varna vo sayyad-e-'aalii-nasabii haa.n vahii ummii-laqabii haashmii-o-muttalabii-o-'arabii-o-qurshii-o-madanii aur kahaa.n ham se gunahgaar

aarzuu ye hai ki ho qalb mu'attar-o-mutahhar-o-munavvar-o-mujalla-o-musaffaa dar-e-'aalaa jo nazar aa.e.n kahii.n jalva-e-ruu-e-shah-e-abraar

jin ke qadmo.n kii chamak chaa.nd sitaaro.n me.n nazar aa.e jidhar se vo guzar jaa.e vahii raah chamak jaa.e damak jaa.e mahak jaa.e bane raunaq-e-gulzaar

suu.ngh luu.n kHushbu-e-gesuu-e-mohammad vo siyah zulf nahii.n jis ke muqaabil ye banafsha ye siivtii ye chambelii ye gul-e-laala-o-champaa kaa nikhaar

jis kii nik.hat pe hai.n qurbaan gul-o-barg-o-saman naafa-e-aahuu-e-kHutan baad-e-chaman bu-e-chaman naaz-e-chaman nuur-e-chaman ra.ng-e-chaman saaraa chaman-zaar

ye tamannaa ki sunuu.n mai.n bhii vo aavaaz-e-shah-e-jinn-o-bashar haq kii KHabar kHush-tar-o-shiirii.n za-shakar husn-e-fasaahat kaa guhar nutq kare naaz suKHan par

vo dil aaraam sadaa naam-e-KHudaa jis pe fidaa Guncha-dahan tuutii-e-sad rashk-e-chaman naGma-e-bulbul za-gulistaan-e-'adan misr-o-yaman jis ke KHariidaar

ik shahanshaah ne baKHshe jo samarqand-o-buKHaaraa kisii mahbuub ke ruKHsaar ke til par magar ai sayyad-e-'aalam terii naamuus terii 'azmat par

ai rasuul-e-madanii ek nahii.n laakho.n hai.n qurbaan gah-e-'ishq ke har kuucha-e-baazaar me.n sar apnaa hathelii pe liye phirte hai.n karne ko nisaar

baKHsh dete hai.n shahanshaah-e-samarqand-o-bukHaaraa kisii mahbuub ke ruKHsaar ke til par magar ai KHalq ke rahbar ai mere mehr-e-munavvar

mai.n karuu.n tujh pe tasadduq dam-e-'iisaa yad-e-baizaa dar-o-diivaar-e-harm kaa'ba-e-dil un se ba.Dii ko.ii nahii.n shai mere paas merii chashm-e-guhar-baar

aap ke zikr me.n hai.n naGma-saraa saare hudii-kHvaan-e-'rab naGma-nigaaraan-e-'ajam shaukat-e-alfaaz-e-adab 'azmat-e-qirtaas-o-qalam baad-e-sabaa mauj-e-nasiim

dahan-e-bulbul-e-shiirii.n lahan-e-qumrii-o-tuutii shab-e-mahtaab sitaare malak-o-huur-o-jinaa.n jin kii navaa.o.n me.n duruudo.n kaa hisaar

varafa'naa-laka-zikrak kii is ik aayat-e-tausiif kii tausiif me.n tafsiir me.n tashriih me.n tauziih me.n tazmiin me.n har 'ahd kii shaamil hai zabaan

lab-e-hassaan-o-ravaaha-o-lab-e-faatima-zahraa-o-'alii 'aabid-e-biimaar-o-busiirii dahan-e-'urfii-o-jaamii lab-e-saa'dii-o-razaa sab sarshaar

'ishq ke ra.ng me.n ra.ng jaa.e.n muhaajir ho ki pakHtuun-o-balluuchii ho ki panjaabii-o-sindhii kisii KHitte kii qabiile kii zabaa.n us se nahii.n ko.ii sarokaar

jaama-e-'ishq-e-mohammad jo pahan letaa hai har kHaar ko vo phuul banaa letaa hai duniyaa ko jhukaa letaa hai karataa hai zamaane ko mohabbat kaa shikaar

ye muhaajir kii hai saf aur ye punjabi kii pakHtuun kii sindhii kii baluuchii kii judaa pa.Dh ke dikhaa.o to kisii shahar kii masjid me.n kabhii aisii namaaz

haram-e-kaa'ba me.n 'arfaat ke maidaan me.n yaa rauza-e-sarkaar pe kyuu.n shaane milaate vahaa.n karte nahii.n ra.ng kaa aur nasl kaa tum apnii shumaar

aisaa mahbuub diyaa haq ne tumhe.n sall-e-'alaa jis kaa mumaasil na muqaabil ki laqab jis ko hariisun kaa diyaa itnaa kiyaa jis ne gunahgaaro.n se pyaar

ai KHudaa ai shah-e-kaunain ke rab lafz-e-hariisun ke sabab ek ho.n sab vo 'ajamii ho.n ki 'arab taaki mile ummat-e-marhuum ko phir khoyaa vaqaar

yaa nabii aap kaa ye adnaa sanaa-KHvaa.n dar-e-rahmat kaa gadaa detaa hai dar-dar ye sadaa chaahtaa hai aap se chaahat kaa sila apnii zabaa.n me.n taasiir

sun ke sab ahl-e-chaman us kaa suKHan un ko bhii aa jaa.e hayaa sar ho nadaamat se jhukaa aur nazar dekhe vo aslaaf kii ulfat kaa nazaaraa ek baar

ai 'adiib' ab yu.nhii alfaaz ke ambaar se ham khelte rah jaa.e.nge magar haqq-e-sanaa-go.ii adaa phir bhii na kar paa.e.n ye jazbaat-o-zabaan-o-qalam-o-fikr-o-kHayaal

un kii mid.hat to malaa.ik kaa vaziifa hai sahaaba kaa tariiqa hai 'ibaadat kaa saliiqa hai ye KHaaliq kaa pasandiida hai qur.aan kaa hai is me.n shi.aar

'ishq ke ra.ng me.n ra.ng jaa.e.n jab afkaar to khulte hai.n Gulaamo.n pe vo asraar ki rahte hai.n vo tausiif-o-sanaa-e-shah-e-abraar me.n har lahza guhar-baar

varna vo sayyad-e-'aalii-nasabii haa.n vahii ummii-laqabii haashmii-o-muttalabii-o-'arabii-o-qurshii-o-madanii aur kahaa.n ham se gunahgaar

aarzuu ye hai ki ho qalb mu'attar-o-mutahhar-o-munavvar-o-mujalla-o-musaffaa dar-e-'aalaa jo nazar aa.e.n kahii.n jalva-e-ruu-e-shah-e-abraar

jin ke qadmo.n kii chamak chaa.nd sitaaro.n me.n nazar aa.e jidhar se vo guzar jaa.e vahii raah chamak jaa.e damak jaa.e mahak jaa.e bane raunaq-e-gulzaar

suu.ngh luu.n kHushbu-e-gesuu-e-mohammad vo siyah zulf nahii.n jis ke muqaabil ye banafsha ye siivtii ye chambelii ye gul-e-laala-o-champaa kaa nikhaar

jis kii nik.hat pe hai.n qurbaan gul-o-barg-o-saman naafa-e-aahuu-e-kHutan baad-e-chaman bu-e-chaman naaz-e-chaman nuur-e-chaman ra.ng-e-chaman saaraa chaman-zaar

ye tamannaa ki sunuu.n mai.n bhii vo aavaaz-e-shah-e-jinn-o-bashar haq kii KHabar kHush-tar-o-shiirii.n za-shakar husn-e-fasaahat kaa guhar nutq kare naaz suKHan par

vo dil aaraam sadaa naam-e-KHudaa jis pe fidaa Guncha-dahan tuutii-e-sad rashk-e-chaman naGma-e-bulbul za-gulistaan-e-'adan misr-o-yaman jis ke KHariidaar

ik shahanshaah ne baKHshe jo samarqand-o-buKHaaraa kisii mahbuub ke ruKHsaar ke til par magar ai sayyad-e-'aalam terii naamuus terii 'azmat par

ai rasuul-e-madanii ek nahii.n laakho.n hai.n qurbaan gah-e-'ishq ke har kuucha-e-baazaar me.n sar apnaa hathelii pe liye phirte hai.n karne ko nisaar

baKHsh dete hai.n shahanshaah-e-samarqand-o-bukHaaraa kisii mahbuub ke ruKHsaar ke til par magar ai KHalq ke rahbar ai mere mehr-e-munavvar

mai.n karuu.n tujh pe tasadduq dam-e-'iisaa yad-e-baizaa dar-o-diivaar-e-harm kaa'ba-e-dil un se ba.Dii ko.ii nahii.n shai mere paas merii chashm-e-guhar-baar

aap ke zikr me.n hai.n naGma-saraa saare hudii-kHvaan-e-'rab naGma-nigaaraan-e-'ajam shaukat-e-alfaaz-e-adab 'azmat-e-qirtaas-o-qalam baad-e-sabaa mauj-e-nasiim

dahan-e-bulbul-e-shiirii.n lahan-e-qumrii-o-tuutii shab-e-mahtaab sitaare malak-o-huur-o-jinaa.n jin kii navaa.o.n me.n duruudo.n kaa hisaar

varafa'naa-laka-zikrak kii is ik aayat-e-tausiif kii tausiif me.n tafsiir me.n tashriih me.n tauziih me.n tazmiin me.n har 'ahd kii shaamil hai zabaan

lab-e-hassaan-o-ravaaha-o-lab-e-faatima-zahraa-o-'alii 'aabid-e-biimaar-o-busiirii dahan-e-'urfii-o-jaamii lab-e-saa'dii-o-razaa sab sarshaar

'ishq ke ra.ng me.n ra.ng jaa.e.n muhaajir ho ki pakHtuun-o-balluuchii ho ki panjaabii-o-sindhii kisii KHitte kii qabiile kii zabaa.n us se nahii.n ko.ii sarokaar

jaama-e-'ishq-e-mohammad jo pahan letaa hai har kHaar ko vo phuul banaa letaa hai duniyaa ko jhukaa letaa hai karataa hai zamaane ko mohabbat kaa shikaar

ye muhaajir kii hai saf aur ye punjabi kii pakHtuun kii sindhii kii baluuchii kii judaa pa.Dh ke dikhaa.o to kisii shahar kii masjid me.n kabhii aisii namaaz

haram-e-kaa'ba me.n 'arfaat ke maidaan me.n yaa rauza-e-sarkaar pe kyuu.n shaane milaate vahaa.n karte nahii.n ra.ng kaa aur nasl kaa tum apnii shumaar

aisaa mahbuub diyaa haq ne tumhe.n sall-e-'alaa jis kaa mumaasil na muqaabil ki laqab jis ko hariisun kaa diyaa itnaa kiyaa jis ne gunahgaaro.n se pyaar

ai KHudaa ai shah-e-kaunain ke rab lafz-e-hariisun ke sabab ek ho.n sab vo 'ajamii ho.n ki 'arab taaki mile ummat-e-marhuum ko phir khoyaa vaqaar

yaa nabii aap kaa ye adnaa sanaa-KHvaa.n dar-e-rahmat kaa gadaa detaa hai dar-dar ye sadaa chaahtaa hai aap se chaahat kaa sila apnii zabaa.n me.n taasiir

sun ke sab ahl-e-chaman us kaa suKHan un ko bhii aa jaa.e hayaa sar ho nadaamat se jhukaa aur nazar dekhe vo aslaaf kii ulfat kaa nazaaraa ek baar

ai 'adiib' ab yu.nhii alfaaz ke ambaar se ham khelte rah jaa.e.nge magar haqq-e-sanaa-go.ii adaa phir bhii na kar paa.e.n ye jazbaat-o-zabaan-o-qalam-o-fikr-o-kHayaal

un kii mid.hat to malaa.ik kaa vaziifa hai sahaaba kaa tariiqa hai 'ibaadat kaa saliiqa hai ye KHaaliq kaa pasandiida hai qur.aan kaa hai is me.n shi.aar