خونِ حیدر نورِ سرکارِ عرب زینب میں ہے

خونِ حیدر نورِ سرکارِ عرب زینب میں ہے

فاطمہ زہرا تمہاری پوری چھب زینب میں ہے

مل نہیں سکتا کسی ماں میں بہن بیٹی میں اب

جذبۂ ایثار و قربانی عجب زینب میں ہے

غم تو ہے اس بات کا سب لٹ گیا دل کا چمن

بچ گیا دینِ نبی اس کی طرب زینب میں ہے

کوثر و تسنیم ان کے گھر سے بٹتے ہیں یزید

تو سمجھتا ہے کہ پانی کی طلب زینب میں ہے

جان جائے، جائے پر، پردے سے سمجھوتا نہیں

جو ادا تھی فاطمہ میں وہ ہی اب زینب میں ہے

ہے جمالِ مصطفیٰ کا عکس زہرا کی حیا

وقت آئے تو جلالِ شیر رب زینب میں ہے

بیٹیا اس دور میں ماں باپ کا کرتیں نہیں

جتنا اے اظہارؔ بھائی کا ادب زینب میں ہے