اک قرار جان سب جان قرار فاطمہ

اک قرار جان سب جان قرار فاطمہ

لٹ گیا ہے دشت میں باغ بہارِ فاطمہ

کوئی سمجھا ہے نہ سمجھے گا وقارِ فاطمہ

بس نبی ہیں اور خدا ہے راز دارِ فاطمہ

دشمنِ آلِ نبی تو لکھ کے رکھ لے میری بات

تجھ کو بخشے گا نہیں پروردگارِ فاطمہ

اے مری بیٹی تجھے گر تاجداری چاہیے

بن کے رہنا تو سدا خدمت گزارِ فاطمہ

مالکِ کون و مکاں کی لاڈلی بیٹی ہیں وہ

اس لیے ہر چیز پر ہے اختیارِ فاطمہ

کوثر و تسنیم پر لوح و قلم پر خلد پر

بولیے کس پر نہیں ہے اختیارِ فاطمہ

چومتی ہیں جس کو حورانِ جناں بھی روز و شب

ہے کوئی اظہار تو وہ ہے مزارِ فاطمہ