یہ بارگاہِ خواجۂ بندہ نواز ہے

یہ بارگاہِ خواجۂ بندہ نواز ہے

اس در پہ جس کا سر ہے وہی سرفراز ہے

دیکھے کوئی اگر نگہِ امتیاز ہے

کس شان کا یہ سیدِ گیسو دراز ہے

ہر دل پہ کچھ نہ کچھ کر چشم ناز ہے

اُن کا ہر ایک تیرِ نظر دل نواز ہے

پرواز عقل کا ہے تصور وہاں غلط

جس عالمِ بلند کا وہ شاہ باز ہے

دیکھو وہ محوِ خواب ہے پھولوں کی سیج پر

نسبت پہ جس کی آج ہزاروں کو ناز ہے

اُن کی عنایتوں سے ہمیں کیا نہیں ملا

پیہم اک اضطراب ہے سوز و گداز ہے

جب تک ہے راز، راز حقیقت کی ہے دلیل

آئینہ بن گیا تو سمجھ لو مجاز ہے

توہینِ اعتماد ہے، فکرِ مآلِ کار

بے فکر بیٹھ جاؤ خدا کار ساز ہے

کیا کیجیے گا؟ کر کے حقیقت کو بے نقاب

ہر اعتبارِ جلوہ بشکلِ مجاز ہے

وہ کیوں نیاز مند ہو، نازِ طبیب کا

کاملؔ جسے نصیبہ غمِ چارہ ساز ہے