عروجِ بندگی کی ابتدا مولیٰ علی سے ہے

عروجِ بندگی کی ابتدا مولیٰ علی سے ہے

کمالِ عاشقی کی انتہا مولیٰ علی سے ہے

توسل سے انہیں کے فیض پاتے ہیں جہاں والے

دعا مولیٰ علی سے ہے دوا مولیٰ علی سے ہے

جہاں میں علم و حکمت کے مرے سرکار مالک ہیں

شعور و آگہی کا راستہ مولیٰ علی سے ہے

علی مولیٰ، علی مشکل کشا پھر مشکلیں کیسی

سنو، اے مشکلو! اب واسطہ مولیٰ علی سے ہے

خدا اس کا نگہباں ہے وہ مقبولِ الٰہی ہے

جسے الفت پیمبر سے وِلا مولیٰ علی سے ہے

نبی کے دین کی خاطر کیے لختِ جگر قرباں

وقارِ صبر کا یہ مرتبہ مولیٰ علی سے ہے

ہمارے ذہن و دل میں یہ سدا ایقان رہتا ہے

جہاں میں آگہی کا ارتقا مولیٰ علی سے ہے