جس نے وفا کا پاٹھ ابھی تک پڑھا نہیں

جس نے وفا کا پاٹھ ابھی تک پڑھا نہیں

لذت علی کے عشق کی وہ جانتا نہیں

ہے کون سا جتن جو عدو نے کیا نہیں

لیکن سرِ حسین کہیں بھی جھکا نہیں

شہ رگ سے جس نے ظلم کی زنجیر کاٹ دی

وہ ہے مرا حسین کوئی دوسرا نہیں

نہرِ فرات کرتی رہی التجا بہت

بوسہ لبِ حسین کا پھر بھی ملا نہیں

ہر سمت کائنات میں ذکرِ حسین ہے

نامِ یزید ہم نے کہیں بھی سنا نہیں

نیزوں کی چھاؤں میں جو نمازِ وفا پڑھے

شبیر کے علاوہ کوئی دوسرا نہیں

اہلِ وفا کے درد کی تاثیر دیکھیے

سیلاب آنسوؤں کا ابھی تک رُکا نہیں

خالدؔ اس آئینے کی شجاعت پہ ناز کر

پتھر کے سامنے جو ذرا بھی جھکا نہیں