jis ne vafaa kaa paaTh abhii tak pa.Dhaa nahii.n
Interesting Fact
منقبت در شان حضرت علی مرتضیٰ (نجف-عراق)
jis ne vafaa kaa paaTh abhii tak pa.Dhaa nahii.n
lazzat 'alii ke 'ishq kii vo jaantaa nahii.n
hai kaun saa jatan jo 'aduu ne kiyaa nahii.n
lekin sar-e-husain kahii.n bhii jhukaa nahii.n
shah-e-rag se jis ne zulm kii zanjiir kaaT dii
vo hai miraa husain ko.ii dosraa nahii.n
nahr-e-furaat kartii rahii iltijaa bahut
bosa lab-e-husain kaa phir bhii milaa nahii.n
har samt kaa.inaat me.n zikr-e-husain hai
naam-e-yaziid ham ne kahii.n bhii sunaa nahii.n
nezo.n kii chhaa.nv me.n jo namaaz-e-vafaa pa.Dhe
shabbiir ke 'alaava ko.ii duusraa nahii.n
ahl-e-vafaa ke dard kii taasiir dekhiye
sailaab aa.nso.o.n kaa abhii tak rukaa nahii.n
'KHaalid' us aa.iine kii shujaa'at pe naaz kar
patthar ke saamne jo zaraa bhii jhukaa nahii.n
jis ne vafaa kaa paaTh abhii tak pa.Dhaa nahii.n
lazzat 'alii ke 'ishq kii vo jaantaa nahii.n
hai kaun saa jatan jo 'aduu ne kiyaa nahii.n
lekin sar-e-husain kahii.n bhii jhukaa nahii.n
shah-e-rag se jis ne zulm kii zanjiir kaaT dii
vo hai miraa husain ko.ii dosraa nahii.n
nahr-e-furaat kartii rahii iltijaa bahut
bosa lab-e-husain kaa phir bhii milaa nahii.n
har samt kaa.inaat me.n zikr-e-husain hai
naam-e-yaziid ham ne kahii.n bhii sunaa nahii.n
nezo.n kii chhaa.nv me.n jo namaaz-e-vafaa pa.Dhe
shabbiir ke 'alaava ko.ii duusraa nahii.n
ahl-e-vafaa ke dard kii taasiir dekhiye
sailaab aa.nso.o.n kaa abhii tak rukaa nahii.n
'KHaalid' us aa.iine kii shujaa'at pe naaz kar
patthar ke saamne jo zaraa bhii jhukaa nahii.n
- Book : Anwar-e-Karbala (Pg. 38)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.