اے نورِ خدااے نورِ نبی سلطان الہند غریب نواز

اے نورِ خدااے نورِ نبی سلطان الہند غریب نواز

اے وارثِ تخت وتاجِ علی سلطان الہند غریب نواز

سالک ہو کہ مجذوبِ لقب ابدال ہوں یا اقطاب ہوں سب

ہے آپ کی شان اُن سب میں بڑی سلطان الہند غریب نواز

طوفاں ہے تلاطم اور بھنور اور دور کنارہ ہے حضرت

منجدھار میں کشتی آن پھنسی، سلطان الہند غریب نواز

ہے بوجھ گناہوں کا بھاری، ہر سمت اندھیرا ہے طاری

محشر میں شفاعت کرنا مری، سلطان الہند غریب نواز

آپ آلِ نبی، اولادِ علی، آپ اہلِ خدا، آپ اہلِ وِلا

ہے شانِ خدا شان آپ ہی کی سلطان الہند غریب نواز

ناظرؔ کے زبان و دل آقا ہیں وقفِ ثنا ہر صبح و مسا

جز اِس کے نہیں کوئی پونجی سلطان الہند غریب نواز