الٰہی دل پہ چھائی ہے مرے یہ غم کی طغیانی

الٰہی دل پہ چھائی ہے مرے یہ غم کی طغیانی

چراغِ دہلوی کی روشنی سے دل ہو نورانی

حوادث ہیں الم ہیں، ظلمتیں ہیں بحرِ طوفاں ہے

سراپا دور ہوں آقا مٹا دو درد پنہانی

درِ خانونؒ کا ادنیٰ گدا ہوں اے مرے داتا

بحقِ قاضی ساری دور کردو میری حیرانی

نہیں معلوم کیا مقسوم ہے انجام آخر کا

جوارِ خاص میں آقا ہو میری حشر سامانی

کروں حالاتِ ابتر کی زباں سے عرض میں کیا کیا

توجہ چاہتا ہوں دور ہو سب میری حیرانی

تمہارے ماسوا کوئی نہ مونس ہے نہ ہمدم ہے

مرے مرشد، میرے آقا، میرے محبوبِ ربّانی

بڑی مشکل میں ہوں مولانا بڑی مشکل سے آیا ہوں

علیٰ کے لاڈلے ہو اب تو کر دو مشکل آسانی

مرے خویش و اقارب سب مرے محسن، میرے ساتھی

رہیں ہر حال میں ثابت قدم باشانِ ایمانی