درِ خواجہ پہ اے زاہد جو سجدہ کر رہاہوں میں

درِ خواجہ پہ اے زاہد جو سجدہ کر رہاہوں میں

وہ سجدہ ماورائے ہوش ہے یہ جانتا ہوں میں

خیالِ عشق کی منزل میں ایسا گم ہوا ہوں میں

جمالِ عشق کی منزل میں ایسا گم ہوا ہوں میں

مٹا کر اپنی ہستی اُن کی ہستی بن گیا ہوں میں

کہ ان کے آئینے میں اپنی صورت دیکھتا ہوں میں

زمینِ ہند پر بارانِ رحمت بن کے جو آئے

اسی دریائے رحمت کا حبابِ دلربا ہوں میں

شہنشاہِ ولایت آپ ہیں شانِ خدواندی

جمالِ مصطفیٰ کا اِک سراپا دیکھتا ہوں میں

سمجھ کر غیر حق میرا تو سجدہ کفر ہے زاہد

کروں کیا اپنی آنکھوں کو کہ کعبہ دیکھتا ہوں میں

بناؤ یا بگاڑو اِس سے مجھ کو کیا غرض مولا

بس اس کی لاج رہ جائے کہ بندہ آپ کا ہوں میں

مرا ذوقِ طلب، حسنِ نظر، اندازِ نظارہ

خدا رکھے بہر صورت انہیں کو دیکھتا ہوں میں