hai jaan-o-dil me.n baham dam me.n ’azmat-e-mahbuub

hai jaan-o-dil me.n baham dam me.n ’azmat-e-mahbuub

KHudaa rasuul kii nisbat hai nisbat-e-mahbuub

jo chaahe dekhnaa nuur-e-KHudaa liqaa-e-nabii

vo dil kii aa.nkho.n se aa dekhe suurat-e-mahbuub

vo abr-e-zulf-e-do-'aalam muhiit-e-'aalam hai

baras rahii hai zamaane pe rahmat-e-mahbuub

jo bazm-e-'urs me.n har saal hote hai.n haazir

vo apnii jholii me.n bharte hai.n barakat-e-mahbuub

pukaaraa jis ne musiibat me.n yaa nizaamuddiin

mu'iin us ke nazar aa.e hazrat-e-mahbuub

azal se Gaus hai.n insaaniyat kii duniyaa ke

ki dastgiir-e-KHalaa.iq hai qudrat-e-mahbuub

kahaa hai hazrat iqbaal ne ye sach 'naazir'

dilo.n ko zindagii detii hai ulfat-e-mahbuub

hai jaan-o-dil me.n baham dam me.n ’azmat-e-mahbuub

KHudaa rasuul kii nisbat hai nisbat-e-mahbuub

jo chaahe dekhnaa nuur-e-KHudaa liqaa-e-nabii

vo dil kii aa.nkho.n se aa dekhe suurat-e-mahbuub

vo abr-e-zulf-e-do-'aalam muhiit-e-'aalam hai

baras rahii hai zamaane pe rahmat-e-mahbuub

jo bazm-e-'urs me.n har saal hote hai.n haazir

vo apnii jholii me.n bharte hai.n barakat-e-mahbuub

pukaaraa jis ne musiibat me.n yaa nizaamuddiin

mu'iin us ke nazar aa.e hazrat-e-mahbuub

azal se Gaus hai.n insaaniyat kii duniyaa ke

ki dastgiir-e-KHalaa.iq hai qudrat-e-mahbuub

kahaa hai hazrat iqbaal ne ye sach 'naazir'

dilo.n ko zindagii detii hai ulfat-e-mahbuub