ہے جان ودل میں بہم دم میں عظمتِ محبوب

ہے جان ودل میں بہم دم میں عظمتِ محبوب

خدا رسولؐ کی نسبت ہے، نسبتِ محبوب

جو چاہے دیکھنا نورِ خدا، لقائے نبی

وہ دل کی آنکھوں سے آ دیکھے صورتِ محبوب

وہ ابرِ زلفِ دو عالم محیطِ عالم ہے

برس رہی ہے زمانے پہ رحمتِ محبوب

جو بزمِ عرس میں ہر سال ہوتے ہیں حاضر

وہ اپنی جھولی میں بھرتے ہیں برکتِ محبوب

پکارا جس نے مصیبت میں یا نظام الدینؒ

معین اس کے نظر آئے حضرتِ محبوب

ازل سے غوث ہیں انسانیت کی دنیا کے

کہ دستگیرِ خلائق ہے قدرتِ محبوب

کہا ہے حضرتِ اقبال نے یہ سچ ناظرؔ

دلوں کو زندگی دیتی ہے الفتِ محبوب