ہے جدا جہاں میں سب سے تیری شان میرے آقا

ہے جدا جہاں میں سب سے تیری شان میرے آقا

تیری عظمتوں کا مظہر ہے قران میرے آقا

تیرا مرتبہ ہے اعلیٰ ہے تو نور کا اجالا

تو امام الانبیا ہے ذیشان میرے آقا

ہے غلام ہو کے بہتر، وہ ہی شاہا سے ہے بڑھ کر

تیرے در کا ہو گیا جو دربان میرے آقا

وہ جو غم کی منزلیں تھیں میرے ساتھ مشکلیں تھیں

وہ ہوئیں تیرے سبب سے آسان میرے آقا

ہے جو یہ متاعِ دنیا میرے بس میں یہ اگر ہو

تیری ذات پر کروں میں قربان میرے آقا

یہ ہی میری جستجو ہے یہ ہی میری آرزو ہے

تیرے عشق میں ہی جائے میری جان میرے آقا

ہے یہ التجا خدا سے اشعار زندگی بھر

تیری مدحتوں میں لکھے شایانؔ میرے آقا