rasuul-e-mujtabaa kahiye mohammad mustafaa kahiye
rasuul-e-mujtabaa kahiye mohammad mustafaa kahiye
KHudaa ke baa'd bas vo hai.n phir us ke baa'd kyaa kahiye
sharii'at kaa hai ye israar KHatm-ul-ambiyaa kahiye
mohabbat kaa taqaazaa hai ki mahbuub-e-KHudaa kahiye
jab un kaa zikr ho duniyaa saraapaa gosh ho jaa.e
jab un kaa naam aa.e marhabaa sall-e-'alaa kahiye
mire sarkaar ke naqsh-e-qadam sham'-e-hidaayat hai.n
ye vo manzil hai jis ko maGfirat kaa raasta kahiye
mohammad kii nubuvvat daa.ira hai nuur-e-vahdat kaa
usii ko ibtidaa kahiye usii ko intihaa kahiye
Gubaar-e-raah-e-taiba surma-e-chashm-e-basiirat hai
yahii vo KHaak hai jis KHaak ko KHaak-e-shifaa kahiye
madiina yaad aataa hai to phir aa.nsuu nahii.n rukte
mirii aa.nkho.n ko 'maahir' chashma-e-aab-e-baqaa kahiye
rasuul-e-mujtabaa kahiye mohammad mustafaa kahiye
KHudaa ke baa'd bas vo hai.n phir us ke baa'd kyaa kahiye
sharii'at kaa hai ye israar KHatm-ul-ambiyaa kahiye
mohabbat kaa taqaazaa hai ki mahbuub-e-KHudaa kahiye
jab un kaa zikr ho duniyaa saraapaa gosh ho jaa.e
jab un kaa naam aa.e marhabaa sall-e-'alaa kahiye
mire sarkaar ke naqsh-e-qadam sham'-e-hidaayat hai.n
ye vo manzil hai jis ko maGfirat kaa raasta kahiye
mohammad kii nubuvvat daa.ira hai nuur-e-vahdat kaa
usii ko ibtidaa kahiye usii ko intihaa kahiye
Gubaar-e-raah-e-taiba surma-e-chashm-e-basiirat hai
yahii vo KHaak hai jis KHaak ko KHaak-e-shifaa kahiye
madiina yaad aataa hai to phir aa.nsuu nahii.n rukte
mirii aa.nkho.n ko 'maahir' chashma-e-aab-e-baqaa kahiye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.