mai.n KHaak-e-paa-e-mohammadii huu.n

mai.n KHaak-e-paa-e-mohammadii huu.n

immam-e-'aalam kaa muqtadii huu.n

mujhe fanaa-firrasuul karnaa

mujhe jo yaa rab qubuul karnaa

vo sabz-gumbad me.n rahne vaalaa

muskaan-e-be-had me.n rahne vaalaa

hisaar-e-kaunain zaat jis kii

mai.n us mohammad me.n rahne vaalaa

panaah de us kii be-panaahii

mujhe qayaamat me.n bhii ilaahii

usii ke haatho.n vusuul karnaa

mujhe bhii yaa rab qubuul karnaa

binaa-tasavvur nazar se guzre

baGair aahaT ke dil me.n utare

mai.n us ke dariyaa me.n Duub jaa.uu.n

to mujh ko gahraa.ii le ke ubhre

diyaa mohabbat ko tuul jis ne

khilaa.e hai.n mujh me.n phuul jis ne

usii ke raste kii dhuul karnaa

mujhe bhii yaa rab qubuul karnaa

lagaa.e zulfo.n me.n chaa.nd Dere

siyaah kamlii tale savere

chamakne vaalii har ek shai se

ziyaada raushan huzuur mere

huzuur par hai nigaah merii

bahisht ko jaa.e raah merii

karam kaa mujh par nuzuul karnaa

mujhe jo yaa rab qubuul karnaa

miraa har gha.Dii saa.ns us kaa qaarii

vo kisht-e-jaa.n kii hai fasl saarii

vo nuur-e-paikar raqam hai dil par

lahuu me.n gardaa.n labo.n pe jaarii

mujhe bhii pyaaraa hai zindagii se

mai.n mar na jaa.uu.n kahii.n KHushii se

baGair Gam ke maluul karnaa

mujhe bhii yaa rab qubuul karnaa

mai.n KHaak-e-paa-e-mohammadii huu.n

immam-e-'aalam kaa muqtadii huu.n

mujhe fanaa-firrasuul karnaa

mujhe jo yaa rab qubuul karnaa

vo sabz-gumbad me.n rahne vaalaa

muskaan-e-be-had me.n rahne vaalaa

hisaar-e-kaunain zaat jis kii

mai.n us mohammad me.n rahne vaalaa

panaah de us kii be-panaahii

mujhe qayaamat me.n bhii ilaahii

usii ke haatho.n vusuul karnaa

mujhe bhii yaa rab qubuul karnaa

binaa-tasavvur nazar se guzre

baGair aahaT ke dil me.n utare

mai.n us ke dariyaa me.n Duub jaa.uu.n

to mujh ko gahraa.ii le ke ubhre

diyaa mohabbat ko tuul jis ne

khilaa.e hai.n mujh me.n phuul jis ne

usii ke raste kii dhuul karnaa

mujhe bhii yaa rab qubuul karnaa

lagaa.e zulfo.n me.n chaa.nd Dere

siyaah kamlii tale savere

chamakne vaalii har ek shai se

ziyaada raushan huzuur mere

huzuur par hai nigaah merii

bahisht ko jaa.e raah merii

karam kaa mujh par nuzuul karnaa

mujhe jo yaa rab qubuul karnaa

miraa har gha.Dii saa.ns us kaa qaarii

vo kisht-e-jaa.n kii hai fasl saarii

vo nuur-e-paikar raqam hai dil par

lahuu me.n gardaa.n labo.n pe jaarii

mujhe bhii pyaaraa hai zindagii se

mai.n mar na jaa.uu.n kahii.n KHushii se

baGair Gam ke maluul karnaa

mujhe bhii yaa rab qubuul karnaa