Sufinama

saaGar ba-kaf hai baada-gusaar-e-abul-ola

Seemab Akbarabadi

saaGar ba-kaf hai baada-gusaar-e-abul-ola

Seemab Akbarabadi

MORE BYSeemab Akbarabadi

    Interesting Fact

    منقبت در شان حضرت سیدنا امیر ابوالعلا

    saaGar ba-kaf hai baada-gusaar-e-abul-ola

    barsegaa abr-e-faiz-e-nigaar-e-abul-ola

    hai jaan aagara kii nisaar-e-abul-ola

    aur jaan-e-aagara hai mazaar-e-abul-ola

    is gulsitaan-e-ishq kii shaadaabiyaa.n na puuchh

    jannat hai ek aks-e-bahaar-e-abul-ola

    sargashta-e-valaa hai to is baargah me.n aa

    hai auliyaa-e-haq me.n shumaar-e-abul-ola

    yaa-rab uluu nasiib ho merii jabiin-e-ijz

    ye sar ho aur sa.ng-e-mazaar-e-abul-ola

    phailaa hu.aa hai rishta-e-tauhiid arsh tak

    hai.n taa.iraan-e-quds shikaar-e-abul-ola

    nashsha jise hu.aa na abad tak utar sakaa

    ik kaif-e-sarmadii hai KHumaar-e-abul-ola

    qibla-numaa kii hai tujhe ai kaj-nazar talaash

    qibla-numaa hai dekh mazaar-e-abul-ola

    Thukraa diyaa hukuumat-e-shaahii ko faqr se

    allaah re 'uluu-e-shi.aar-e-abul-ola

    zarro.n me.n KHaak-e-paa ke hai.n shaane.n suhail kii

    arsh alaa se puuchh vaqaar abul-ola

    yaa-rab ho is pe chashm-e-karam sadqa-e-amiir

    'siimaab' hai Gariib-e-dayaar-e-abul-ola

    saaGar ba-kaf hai baada-gusaar-e-abul-ola

    barsegaa abr-e-faiz-e-nigaar-e-abul-ola

    hai jaan aagara kii nisaar-e-abul-ola

    aur jaan-e-aagara hai mazaar-e-abul-ola

    is gulsitaan-e-ishq kii shaadaabiyaa.n na puuchh

    jannat hai ek aks-e-bahaar-e-abul-ola

    sargashta-e-valaa hai to is baargah me.n aa

    hai auliyaa-e-haq me.n shumaar-e-abul-ola

    yaa-rab uluu nasiib ho merii jabiin-e-ijz

    ye sar ho aur sa.ng-e-mazaar-e-abul-ola

    phailaa hu.aa hai rishta-e-tauhiid arsh tak

    hai.n taa.iraan-e-quds shikaar-e-abul-ola

    nashsha jise hu.aa na abad tak utar sakaa

    ik kaif-e-sarmadii hai KHumaar-e-abul-ola

    qibla-numaa kii hai tujhe ai kaj-nazar talaash

    qibla-numaa hai dekh mazaar-e-abul-ola

    Thukraa diyaa hukuumat-e-shaahii ko faqr se

    allaah re 'uluu-e-shi.aar-e-abul-ola

    zarro.n me.n KHaak-e-paa ke hai.n shaane.n suhail kii

    arsh alaa se puuchh vaqaar abul-ola

    yaa-rab ho is pe chashm-e-karam sadqa-e-amiir

    'siimaab' hai Gariib-e-dayaar-e-abul-ola

    Source :
    • Book : Anwar-ul-Ola (Pg. 31)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY